Tags-Naaz

na.e andāz se lete haiñ vo dil āshiq kā
ravish-e-nāz se sīkhā hai churānā dil kā

be-hirs-o-havā be-ḳhauf-o-ḳhatar is haath pe sar is kaf pe jigar
yuuñ kū-e-sanam meñ vaqt-e-safar nazzāra-e-bām-e-nāz kiyā

samand-e-nāz ne us ke jahāñ kiyā pāmāl
vahī hai ab bhī use shauq tark taazī kā

aao mere dil-e-afsurda kī tamkīñ dekho
jaao is kashmakash-e-nāz se maiñ dar-guzarā

kyā muhīt-e-mai-e-be-rañg meñ tūfāñ aayā
josh-e-rañg anjuman-e-nāz se bāhar guzrā

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

nigāhoñ kā muqaddar aa ke chamkātī hai dīvālī
pahan kar dīp-mālā naaz farmātī hai dīvālī

saude ko na pūchh aayā thā tū naaz se jis din
gesū tirā us din mire sar maar gayā thā

dil ga.e īmāñ ga.e aqleñ ga.iiñ jāneñ ga.iiñ
tum ne kyā kyā kar dikhāyā ik nigāh-e-nāz se

kis tarah vāqif hoñ hāl-e-āshiq-e-jāñ-bāz se
un ko fursat hī nahīñ hai kārobār-e-nāz se

vahī nāz-o-adā kī shakl hogī
isī sūrat se sharmāyā kareñge

mujhe har gaam par Thukrāne vaale
mujhī par naaz farmāyā kareñge

jab bhī ghar kī chhat par jaa.eñ naaz dikhāne aa jaate haiñ
kaise kaise log hamāre jī ko jalāne aa jaate haiñ

naaz kar ḳhud par ki tū hai be-shumār
qadr kar merī ki maiñ bas ek huuñ

dil-e-fasurda kī bātoñ pe ye tabassum-e-nāz
kalī ko phuul banānā sikhā rahā hai koī

maiñ rañg birañgī mornī mire pañkh bahut mumtāz
mirā raqs anokhā raqs hai mujhe apne aap pe naaz

ārzūoñ kā nagar chhoḌ aa.e
naaz thā jis pe vo ghar chhoḌ aa.e

phir kaun naaz us ke uThā.egā bazm meñ
tanhā.iyoñ ko apne hī ham-rāh le chalo

hayāt-e-ishq kā ik ik nafas jām-e-shahādat hai
vo jān-e-nāz-bardārāñ koī āsān lete haiñ

taḌap taḌap ke guzāro shab-e-firāq apnī
ye nāz-e-husn hai 'shā.ir' ise jafā na kaho