Tags-Naaz

the jo ham-rañg-e-nāz un ke sitam
dil kī ummidvāriyāñ na ga.iiñ

mujhe apne zabt pe naaz thā sar-e-bazm raat ye kyā huā
mirī aañkh kaise chhalak ga.ī mujhe rañj hai ye burā huā

sahar ne le ke añgḌā.ī tilism-e-nāz-shab toḌā
falak par husn kī sham.eñ uThīñ tāroñ kī mahfil se

mere ghar kā ḳhālī-pan
tere naaz uThā.egā

hastī fareb-nāma-e-mauj-e-sarāb hai
yak umr nāz-e-shoḳhi-e-unvāñ uThā.iye

loTte haiñ is adā-o-nāz par aur ġhash meñ ham
the vo ahmaq jo ki terī khā ke Thokar uTh ga.e

hare haiñ zaḳhm kuchh is tarah bhī mire sar ke
tamām umr uThā.e haiñ naaz patthar ke

kisī kā nāz-e-husn aur ai 'shafīq' apnā ye kah denā
ki qīmat meñ agar dil ke barābar ho koī shai lā

maiñ jo na bazm-e-nāz meñ jaatā kyuuñ ġhamza mujh ko taḌpātā
hañste bolte aa ga.ī shāmat kis kī badaulat dil kī badaulat

tab nāz-e-girāñ mā.igi-e-ashk bajā hai
jab laḳht-e-jigar dīda-e-ḳhūñ-bār meñ aave

jis bazm meñ tū naaz se guftār meñ aave
jaañ kālbad-e-sūrat-e-dīvār meñ aave

naaz kī nashv-o-numā hai ki hai joban kā ubhār
varna kyā hai tire siine pe ye ūñchā ūñchā

badal sakte ho tum bigḌī huī qismat zamāne kī
tumhārī ik nigāh-e-nāz se kyā ho nahīñ saktā

īzā-dahī kī daad jo paatā rahā huuñ maiñ
har nāz-āfrīñ ko satātā rahā huuñ maiñ

naaz sajdoñ pe hai hameñ lekin
nāzish-e-bandagī nahīñ mālūm

vo make-up ke sahāre ban ga.ī filmoñ kī heroine
na ho nāz-o-adā to nāziya meñ kuchh nahīñ rakkhā

ye hai nāz-e-shauq insāñ ki rasā.ī hai falak tak
mire dard-e-dil ko lekin na samajh sakā zamāna

maiñ ne kahā ki bazm-e-nāz chāhiye ġhair se tahī
sun ke sitam-zarīf ne mujh ko uThā diyā ki yuuñ