Tags-Naaz

nahīñ nazākat se ham meñ tāqat uThā.eñ jo nāz-e-hūr-e-jannat
ki nāz-e-shamshīr-e-pur-nazākat ham apne sar par uThā chuke haiñ

kushta-e-nāz huuñ jin kā hai unhīñ kā kaunain
sarvat-e-jam se uThegī vo hai mayyat merī

kyā kyā hai naaz ham ko is baḳht-e-nā-rasā par
sidq-o-safā se rishta hai mo'atabar hamārā

kabk o tadrau gar kareñ aage tire ḳhirām-e-nāz
apne ḳhirām-e-nāz kī un ko laTak dikhā ki yuuñ

tum ko agar hai apnī dil-ārā.iyoñ pe naaz
'kaifī' bhī apne naam kā mastāna ek hai

dil-o-jāñ kar diye nazr-e-nigāh-e-nāz bas maiñ ne
na kuchh āġhāz dekhā hai na kuchh anjām dekhā hai

ho na betāb adā tumhārī aaj
naaz kartī hai be-qarārī aaj

duniyā hī se gayā maiñ jūñhī naaz se kahā
ab bhī gumān-e-bad na ga.e tere yā ga.e

bahut dinoñ meñ rāsta harīm-e-nāz kā milā
magar harīm-e-nāz tak pahuñch ga.e to kyā milā

kuchh tujhe bhī hai ḳhabar o sone vaale naaz se
merī rāteñ luT ga.iiñ nīndeñ pareshāñ ho ga.iiñ

ishq-e-junūñ-navāz rahā bazm-e-nāz meñ
ik iztirāb-o-shauq kī duniyā liye hue

jaanā sambhal ke ai dil-e-betāb bazm meñ
hai chashm-e-nāz mahshar-e-ġham-zā liye hue

saaqī nigāh-e-nāz se lillāh kaam le
sau jaam pī chukā huuñ magar be-ḳhudī nahīñ

ai ġhazālān-e-vatan naaz karo ham pe ki ham
āḳhirī pusht haiñ ḳhūbāñ ke sanā-ḳhvānoñ meñ

harīm-e-nāz se tum ko churā laane ke mujrim haiñ
ye sahrā thā ise bhī kū-e-jānāñ kar diyā ham ne

husn par naaz hai bajā lekin
ishq ko aazmā ke dekho tum

apne ilm par 'shabnam' naaz kyā kare koī
ik qadam ujāle meñ dūsrā añdhere meñ

nāz-o-adā o husn ne jaadū jagā diye
pahle to opner ke hī chhake chhuḌā diye

vo laal geñd phuul ho jaise gulāb kā
jis tarah dast-e-nāz meñ sāġhar sharāb kā

tajāhul-peshgī se mudda.ā kyā
kahāñ tak ai sarāpā naaz kyā kyā