Tags-Naaz

ḳhalvat-e-nāz aur ā.īna
ḳhud-nigar ko hai ḳhud-nigar darpesh

ye dekhte ho jo kāsa-e-sar ġhurūr-e-ġhaflat se kal thā mamlū
yahī badan naaz se palā thā jo aaj miTTī meñ gal rahā hai

naaz se hūreñ tarāne hamd ke gaane lagīñ
aurteñ bhar bhar ke apnī jholiyāñ jaane lagīñ

jab zarūrat se ziyāda naaz farmātā hai ilm
āriz-e-tābāñ ke bhole-pan ko khā jaatā hai ilm

terī peshānī pe jhalkegā misāl-e-barq-e-tūr
tifl kā nāz-e-sharāfat aur shauhar kā ġhurūr

jab karegī sinf-e-nāzuk apnī uryānī pe naaz
sirf ik tū is talātum meñ rahegī pāk-bāz

pahlū-e-ḳhātūn-e-mashriq meñ ba-sad tamkīn o naaz
muntaqil ho jā ulūhiyat ke siine ke gudāz

mus.haf-e-rū-e-kitābī rū-kash-e-nāz-e-gulāb
aur ban jaa.e ye ne.amat daftar-e-ilm-e-hisāb

hilm ke sāñche meñ rūh-e-nāz ko Dhāle hue
gardanoñ meñ ḳham saroñ par chādareñ Daale hue

ilm se rahtī hai pāband-e-shikan jis kī jabīñ
naaz se shānoñ par us kī zulf lahrātī nahīñ

jis ke qabze meñ hai masīhā.ī
ham ko is teġh-e-nāz ne maarā

ai mire lāDle ai naaz ke paale hue dil
tū ne kis kū-e-malāmat se guzārā hai mujhe

bas ai rañg-o-bū tū na kar naaz be-jā
ḳhudā jaane kyā baat ham dekhte haiñ

hai un ke āstāñ pe hujūm-e-ġhurūr-o-nāz
gunjā.ish-e-jabīñ ho to sajda kare koī

maiñ agar un ke ḳhad-o-ḳhāl meñ kho jā.ūñ kabhī
vo kaheñ naaz kahāñ ho to ġhazal hotī hai

rusvā hue baġhair na nāz-e-butāñ uThā
jab ho ga.e subuk to ye bār-e-girāñ uThā

naaz us kā pāsbāñ andāz us kā ham-zabāñ
ḳhalvatoñ meñ bhī vo mujh se anjuman-ārā mile

nigāh-e-nāz kī māsūmiyat are tauba
jo ham fareb na khāte to aur kyā karte

baḌe hī naaz se laayā gayā huuñ
maiñ kāñdhā de kar uThvāyā gayā huuñ

ḳhiñchegī kab vo teġh-e-nāz yārab
rahe haiñ der se sar ko jhukā ham