Tags-Naaz

mujhe apnī galī meñ dekh kar vo naaz se bole
mohabbat se dabe jaate haiñ hasrat le ke uTTheñge

naaz se mujh ko sar-e-bazm jo saaqī ne diyā
haath tharrā.e kuchh is tarah ki sāġhar ulTā

haram-e-nāz kī chilman se ulajhne vaalī
dil-e-betāb-e-mohabbat kī duā huuñ maiñ bhī

ye ḳhudā hī jaane vo kaun thā jo shahīd-e-nāz-o-adā huā
ki uḌī hai ḳhāk-e-rah-e-sanam to ḳhizāñ meñ rañg-e-bahār hai

sitam ke daur meñ ham ahl-e-dil hī kaam aa.e
zabāñ pe naaz thā jin ko vo be-zabāñ nikle

yaad aa ga.e jab apne gale meñ vo dast-e-nāz
ro.e lipaT lipaT ke tire naqsh-e-pā se ham

nigāh-e-nāz meñ hayā bhī hai
is banāvaT kī intihā bhī hai

jis pe insāniyat ko naaz thā kal
ab vo sab se baḌā darinda hai

lekin jab maiñ ne añgḌā.ī se husn pe apne naaz kiyā
mahsūs kiyā ki duniyā ko nārāz kiyā

tire dil ke TūTne par hai kisī ko naaz kyā kyā
tujhe ai 'jigar' mubārak ye shikast-e-fātehāna

kabhī husn kī tabī.at na badal sakā zamāna
vahī nāz-e-be-niyāzī vahī shān-e-ḳhusravāna

is qadar naaz hai kyuuñ aap ko yaktā.ī par
dūsrā naam hai ye bhī mirī tanhā.ī kā

zindagī ham se tire naaz uThā.e na ga.e
saañs lene kī faqat rasm adā karte the

ba-sad hiile bahāne zulm kā dar baaz karte haiñ
vahī jāñ-bāz jin par har ghaḌī ham naaz karte haiñ

maiñ naaz zindagī ke uThātā rahā bajā
par ye mirī vafāt se pahle kī baat hai

nigāh-e-nāz-e-butāñ se na chashm-e-rahm bhī rakh
kisī kā yaar nahīñ fitna-e-zamāna huā

shahīd nāz-o-adā kā tire zamāna huā
uḌāyā mehñdī ne dil chor kā bahāna huā

ġham-e-zāt se mirī zindagī ġham-e-kā.enāt meñ Dhal ga.ī
kisī bazm-e-nāz meñ kho ke bhī mujhe kā.enāt se pyaar hai

ġhamza uchakkā ishva hai Daaku qahr adā.eñ sehr haiñ bāteñ
chor nigāheñ naaz hai rahzan māshā-allāh māshā-allāh

ab kyā shahīd-e-nāz bane phir rahe haiñ log
marne kā shauq thā to sardār kyuuñ na the