Tags-Naqab

maiñ apne chehre se kis tarah ye naqāb uThā.ūñ
samajh bhī jā ki pas-e-parda-e-tarab kyā hai

naqāb uTThā to ik sho.ala sā bhaḌak uTThā
jalā ga.ī hai tire chehre kī jhamak mujh ko

ruḳh se naqāb un ke jo haTtī chalī ga.ī
chādar sī ek nuur kī bichhtī chalī ga.ī

māhtāb aur katāñ kā aalam hai
āriz-e-dost par naqāb abas

nahīñ chhuptā tire itaab kā rañg
ki badalne lagā naqāb kā rañg

araq ruḳh kā naqāb-e-ruḳh se jab Tapkā to ham samjhe
ki mah par chhā rahā hai abr aur aḳhtar baraste haiñ

har varaq ik kitāb ho jaa.e
aks-e-jalva naqāb ho jaa.e

dekhe baġhair haal ye hai iztirāb kā
kyā jaane kyā ho parda jo uTThe naqāb kā

bayān-e-dard-e-mohabbat jo baar baar na ho
koī naqāb tire ruḳh kī parda-dār na ho

yahāñ to ek bhī ġham-āshnā nahīñ apnā
farishte mujh ko kahāñ be-naqāb le aa.e

husn ko be-naqāb hone do
ishq ko kāmyāb hone do

huā to hai be-naqāb koī nazar hai mahrūm-e-dīd phir bhī
naqāb se hai sivā tajallī jamāl-e-chilman se kam nahīñ hai

vo chāñdnī meñ ruḳh se haTā deñ agar naqāb
lag jaa.eñ chār-chāñd ruḳh-e-māhtāb meñ

paatā huuñ iztirāb ruḳh-e-pur-hijāb meñ
shāyad chhupā hai dil mirā un kī naqāb meñ

kitne afsāne banā kar rakh liye the shauq ne
yuuñ naqāb ulTī haqīqat ne ki hairāñ kar diyā

mujhe ye zid ki un ke rū-e-zebā se naqāb uTThe
unheñ ye zid ki jalva aur bhī mastūr ho jaa.e

zarā jo us ne haTā.ī naqāb chehre se
girī vo barq kī sab anjuman meñ aag lagī

ruḳh-e-raushan se naqāb apne ulaT dekho tum
mehr-o-māh nazroñ se yāroñ kī utar jā.eñge

aa.e jo bazm meñ to uThā chehre se naqāb
parvāne hī ko sham.a se bezār kar chale

koī chehra nahīñ juz zer-e-naqāb
na koī jism hai juz be-dil-o-jāñ