Tags-Naqab

chehra chhupā.e phirtā hai gahre naqāb meñ
ik shaḳhs ko to lau kī misāl aa.ine hue

'ḳhālid' rahe na sab kī tarah bas qalam qulī
zulmat ko be-naqāb kiyā kyā ġhalat kiyā

are ye hashr meñ haiñ saiñkaḌoñ tire mushtāq
yahāñ pe ham bhī haiñ raazī naqāb Daal ke chal

nazar ġhazāl mohabbat naqāb jhiil ajal
surūr-e-ishq taqaddus fareb-e-amr-o-nahī

rañg-e-pairā-e-chaman-josh meñ kaliyāñ chaTkeñ
khol de band-e-naqāb aaj ki nau-roz to ho

baiThe jo vo shab naqāb uThā kar
bujhne lagī sham.a jhilmilā kar

vo rañg-e-ātshīñ vo dahaktā huā shabāb
chehre ne jaise aag lagā dī naqāb meñ

sub.h-e-nau aa ga.ī tīrgī miT ga.ī shor hai har taraf inqalāb aa gayā
mujh ko Dar hai añdherā koī raat kā muñh pe Daale sahar kī naqāb aa gayā

nazzāre ne bhī kaam kiyā vaañ naqāb kā
mastī se har nigah tire ruḳh par bikhar ga.ī

phir tishna-e-jamāl banā dījiyegā aap
ruḳh se naqāb ulaT kar girā dījiyegā aap

parde se bāhar aa.iye ruḳh se naqāb uThā.iye
tāb-e-jamāl lā sake itnī mirī nazar nahīñ

ye hai ehtimām-e-hijāb kyuuñ ye hai band-o-bast-e-naqāb kyuuñ
tumheñ aañkh bhar ke maiñ dekh luuñ vo nazar nahīñ vo jigar nahīñ

ab uThā do naqāb chehre se
raat ko chāñd se ḳhafā kar do

hai dekhne vāloñ ko sambhalne kā ishārā
thoḌī sī naqāb aaj vo sarkā.e hue haiñ

tavahhum thā mujhe naqsh-e-duī kis tarah miTtā hai
naqāb-e-ruḳh ulaT kar is ne sūrat khīñch dī merī

ai 'ratan' tujh se iltijā hai yahī
oḌhe rahnā naqāb āñkhoñ meñ

uTh ai naqāb-e-yār ki baiThe haiñ der se
kitne ġharīb dīda-e-pur-nam liye hue

ulTī ik haath se naqāb un kī
ek se apne dil ko thaam liyā

azal se dasht-o-bayābāñ meñ ghūmtī hai hayāt
kabhī naqāb se haT kar kabhī naqāb ke saath

yūñhī pahuñchī nahīñ maiñ daar talak
maiñ ne ulTe naqāb logoñ ke