Tags-Neend

yahī se ḳhvāb janam leñge phir na.e 'nāzim'
lipaT ke niiñd se āñkhoñ ke paañv bhārī rakh

dar mat kholo
niiñd ko andar mat aane do

phir bhī 'sāqib' na uḌī tāla-e-ḳhufta kī niind
aah jā kar mirī gardūñ ko hilā bhī aa.ī

khilegā niiñd ke sahrā meñ jo bhī phuul 'sājid'
varā-e-lazzat-e-vahm-o-gumāñ raushan rahegā

tumhāre ḳhvāb ġhanīmat haiñ bujhtī āñkhoñ ko
magar ye ḳhvāb hameñ niiñd se jagāte haiñ

pis ga.e dard kī chakkī kī siloñ meñ mire ḳhvāb
aañkh meñ niiñd nahīñ jism bhī TuuTā huā hai

use be-numū kisī ḳhvāb ne kahīñ gahrī niiñd sulā diyā
use bhā ga.ī haiñ kahāvateñ use bhī qafas meñ sukūn hai

zalzale niiñd se bedār huā chāhte haiñ kyaa' to kyā
chhoḌ bhī shahr tamannā kā ḳhayāl

niiñd ke nagar se to rābta nahīñ TuuTā
fikr-e-sher meñ 'saifī' karvaTeñ badalte haiñ

chuuñ sham-e-sozāñ chuuñ zarra hairāñ ze mehr-e-āñ-mah bagashtam āḳhir
na niiñd naināñ na añg chaināñ na aap aave na bheje patiyāñ

nāg-phanī sā shola hai jo āñkhoñ meñ lahrātā hai
raat kabhī hamdam na banī aur niiñd kabhī marham na huī

khoyā huā huuñ niiñd ke parde ke us taraf
lagtā hai ek ḳhvāb pas-e-ḳhvāb aur hai

niind aa ga.ī thī manzil-e-irfāñ se guzar ke
chauñke haiñ ham ab sarhad-e-isyāñ se guzar ke

kahāniyoñ se malāl un ko niiñd aane lagī
yahāñ pe is liye vo dāstāñ zarūrī hai

niiñd palkoñ ke darīche se lagī baiThī hai
sone detā hī nahīñ garm havā kā jhoñkā

āñkhoñ ko niiñd kī bhī rifāqat nahīñ nasīb
maiñ sham.a to nahīñ ki sahar tak jalā karūñ

balā kā habs thā par niiñd TūTtī hī na thī
na koī dar na darīcha fasīl-e-ḳhvāb meñ thā

aisā zalzala aayā
niiñd se shajar jaage

ye shab-e-safar bhī vabāl hai na firāq hai na visāl hai
isī shab ne niiñd harām kī isī shab ne ham ko sulā diyā

dopahar niiñd yādeñ parind
phir se karne lage tañg sab