Tags-Neend

uḌ ga.ī niiñd aañkh se kis kī
lazzat-e-ḳhurd-o-ḳhvāb baaqī hai

nahīñ niiñd āñkhoñ meñ tujh bin mirī
ḳhunuk raat hai tan pe chādar bhī hai

niiñd kā is ko nasha ham ko jagāne kī havas
ḳhvāb meñ aate hue niiñd churāte hue ham

kyā ajab niiñd hai
jis ko chhū kar

yā maut aa.egī mujhe yā niiñd aa.egī
aur ek shab guzār to duuñ intizār meñ

yahī sochte sochte mujh ko niiñd aa ga.ī
aur havā der tak mere kānoñ meñ kahtī rahī

raat pahlū meñ aap the be-shak
raat mujh ko bhī ḳhuub niind aa.ī

chun leñ āñkhoñ se hamārī niiñd kī sab kirchiyāñ
vaqt ke gūñge qabīle kī sazā hai muḳhtalif

niiñd zarā sī jab bhī aane lagtī hai
yaad tumhārī shor machāne lagtī hai

ālam-e-furqat meñ zikr-e-ḳhvāb kyā
niiñd ḳhud bedār hai tere baġhair

nīñd-bharī āñkhoñ se chūmā diye ne sūraj ko aur phir
jaise shaam ko ab nahīñ jalnā khīñch lī is andāz meñ chup

hijr meñ niiñd kyuuñ nahīñ aatī
hijr kā zā.icha banānā hai

aañkh bojhal hai
magar niiñd nahīñ aatī hai

andoh se huī na rihā.ī tamām shab
mujh dil-zada ko niiñd na aa.ī tamām shab

agar āñkhoñ pe gahrī niiñd ke taale paḌe hoñge
to kuchh ḳhvāboñ ko apnī jaan ke laale paḌe hoñge

sar rakh ke jo patthar pe kabhī rāh-e-alam meñ
kuchh niiñd sī aa jaa.e to lagtā hai ki tum ho

lagtī nahīñ palak se palak intizār meñ
āñkheñ agar yahī haiñ to bhar niiñd so chukā

ḳhvāb ko din kī shikastoñ kā mudāvā na samajh
niiñd par takiya na kar shab ko masīhā na samajh

maut kī niiñd ke mātoñ pe na kyuuñ rashk aa.e
jāgnā hai unheñ hañgāma-e-mahshar ban ke

vo nahīñ maut sahī maut nahīñ niiñd sahī
koī aa jaa.e shab-e-ġham kā muqaddar ban ke