Collections

Lab Shayari

Motivational Ghazals

Best Khamoshi Shayari

More Collections

Tags-Neend

tū be-ḳhabar hai magar niind se bharī laḌkī
mirā badan tirī añgḌā.iyoñ ne toḌ diyā

mere wajud ko parchhaiyon ne toD diya

aaj huuñ maiñ apne bistar par karvaT karvaT bojhal
merī niiñd se aa kar uljhī ik be-rañg kahānī

mere liye kya shor bhanwar ka kya maujon ki rawani

raat tamām kho chukā niiñd se sair ho chukā
jaag ki ḳhuub so chukā kūs-e-ajal fuġhāñ meñ hai

gasht na kar idhar-udhar be-KHabari jahan mein hai

niiñd aatī hai to āñkhoñ meñ jagah detā huuñ
apnī palkoñ ko maiñ bojhal nahīñ hone detā

dar taKHayyul ke muqaffal nahin hone deta

aañkh kholūñ to nazar aa.eñ añdhere kyuuñ kar
sab ujāle haiñ mirī niiñd ke bīmār miyāñ

shiddat-e-dard mein ehsas ka kirdar miyan

niiñd aa rahī hai karb kī āġhosh meñ mujhe
siine pe dast-e-ġham hai tire haat kī tarah

oDhi rida-e-dard bhi haalat ki tarah

aanā use zarūr go hoñ laakh ehtimām
āshiq hai un kī niiñd mirī dāstān par

baala-e-baam ghair hai mein aastan par

maiñ so gayā to koī niiñd se uThā mujh meñ
phir apne haath meñ sab intizām us ne liyā

main zaKHm kha ke gira tha ki tham usne liya

aa.egī kaise niiñd dikhā vo hunar use
phir is ke ba.ad ḳhvāb ko chhū kar use dikhā

sara badan hai KHun se kyun tar use dikha

maiñ ho gayā huuñ kisī niiñd kā shirākat-dār
maiñ ik hasīn kā takiya badal ke aayā huuñ

na apna nam na chehra badal ke aaya hun

kah ga.e niiñd ga.ī raat kā ārām gayā
us kī taqdīr jo ho aap kā mehmāñ koī

na shabistan hai na ab sham-e-shabistan koi

vo niiñd ke safar meñ to maḳhmūr thā bahut
āñkheñ khulīñ to ḳhvāb ke manzar se Dar gayā

chamka jo tirgi mein ujala bikhar gaya

achānak haḌbaḌā kar niiñd se maiñ jaag uTThā huuñ
purānā vāqi.a hai jis pe hairat ab huī hai

KHamoshi bas KHamoshi thi ijazat ab hui hai

ye kaise ḳhvāb kī ḳhvāhish meñ ghar se niklā huuñ
ki din meñ chalte hue niiñd aa rahī hai mujhe

main sun raha hun jo duniya suna rahi hai mujhe

vahshat-e-dard-e-hijr ne ham ko jagā jagā diyā
niiñd kabhī jo aa ga.ī ThanDī huā ke saath saath

hum bhi badal gae teri tarz-e-ada ke sath sath

kahīñ pe dast-e-nigārīñ kahīñ lab-e-lālīñ
vo sote sote mirī niiñd kā uchaT jaanā

kahin pe dast-e-nigarin kahin lab-e-lalin

kaisī raat aa.ī hai niiñd uḌ ga.ī sab kī
manzileñ thapaktī haiñ qāfile nahīñ sote

ab sarab ke chashme maujzan nahin hote

niiñd meñ bhī chādar kā itnā paas hai tum ko
kuchh to paañv phailāo is tarah nahīñ sote

ab sarab ke chashme maujzan nahin hote

zard phūloñ meñ basā ḳhvāb meñ rahne vaalā
dhund meñ uljhā rahā niiñd meñ chalne vaalā

zard phulon mein basa KHwab mein rahne wala

ab jagā.egī yaad us kī 'zafar'
chhoḌ aa.e jo niiñd nahr meñ ham

nazar aate nahin hain bahr mein hum