Tags-Neend

jab samundar ke safar par vo mire saath chalā
lahreñ iThlā ke uThīñ niiñd se Taapu jaage

thoḌī koshish se hī aa jaatī hai ab niiñd mujhe
is kā matlab hai ki vo merī tabī.at kā nahīñ

tumheñ ye ġham satā rahā hai aaj bhī
ġhalat ghaḌī meñ niiñd tum ko aa ga.ī

niiñd un kī agar uḌ jaa.e to kuchh duur nahīñ
so gayā jāgne vaalā shab-e-tanhā.ī kā

dastak-e-ġham ne mirī niiñd abhī toḌī hai
kirchiyāñ chunte hue ḳhvāb sisakte jaa.eñ

unheñ niiñd aa rahī hai yā mirī taqdīr sotī hai
thapakte haiñ kisī naale shab-e-ġham loriyāñ ho kar

vo ham se niiñd ke raste sahī par rū-ba-rū to ho
kabhī to āñkhoñ meñ bhar le hameñ bhī ḳhvāb sā samjhe

nigah-e-nāz meñ ye pichhle pahar rañg-e-ḳhumār
niiñd meñ Duubī huī chandr-kiran kyā kahnā

be-ḳhudi-e-ishq jaise ġham kī niind
ġham kī nīndeñ ruuh kī bedāriyāñ

dil dhaḌaktā hai mirā luuñ bosa-e-ruḳh yā na luuñ
niiñd meñ us ne dulā.ī muñh se sarkā.ī to hai

balbe mizāj-e-nāzuk terā niiñd uchaT ga.ī us gul kī
bāliyāñ pattoñ se jo ulajh kar raat sar-e-bālīn bajīñ

sham.a rahī shab jab tak jaltī mujh ko na aa.ī niiñd zarā
jhāñjheñ parvāne ke paroñ kī bas ki sar-e-bālīn bajīñ

niiñd vo ret kī dīvār ki mismār huī
apnī āñkhoñ meñ chhupā rakkhā hai sahrā apnā

vo jā ke niind ke pahlū meñ mujh se chhupne lagā
maiñ us ko apnī kahānī sunā rahā thā abhī

thakī to ek mohabbat ne muuñd lī āñkheñ
har ek niind se ab merī dushmanī sī hai

ḳhushī se niiñd meñ hī chal basūñgā
vo gar ḳhvāboñ meñ hī merā huā to

jo din chaḌhā to hameñ niiñd kī zarūrat thī
sahar kī aas meñ ham log raat bhar jaage

niiñd kyuuñ TuuT ga.ī āḳhir-e-shab
kaun mere liye taḌpā hogā

na niiñd hai na ḳhvāb hai na yaad hai na raat hai
zamīñ na āsmān hai zamāñ na kā.enāt hai

sunahrī niiñd se kis ne mujhe bedār kar Daalā
darīcha khul rahā thā ḳhvāb meñ dīvār kar Daalā