Tags-Neend

mirī tarah niiñd aa nahīñ pā.egī use bhī
maiñ jāntā huuñ vo sub.h tak jāgtā rahegā

ḳhayāl rahtā hai niiñd meñ ab usī parī kā
jo phuul ab shāḳh par khilegā khilā rahegā

vo mai-kade ko jagāne vaalā vo raat kī niiñd uḌāne vaalā
ye aaj kyā us ke jī meñ aa.ī ki shaam hote hī ghar gayā vo

phir aane lagī niiñd mire ham-safaroñ ko
apnā to irāda hai abhī jāgte rahnā

pur-sukūñ niiñd chāhte ho 'nazīr'
saath laanā thā qismat-e-bedār

siyāh niiñd meñ jalte hue charāġhoñ ko
kisī galī meñ koī jāgtā milā ki nahīñ

āñkhoñ se niiñd ruuTh ke jaane kidhar ga.ī
kaTtī nahīñ hai rāt-bhar zanjīr ḳhvāb kī

tirī maḳhmūr sī muskān abhī dekhī to yaad aayā
mirī muskān par ik din mujhe maañ ne batāyā thā ki chhoTā thā to aksar niiñd meñ maiñ muskurātā thā

Duub jaatā hai mirā jī jo kahūñ qissa-e-dard
niiñd aatī hai mujhī kuuñ mire afsāne meñ

kitnā dilchasp hai allāh mirā qissa-e-ġham
aaj koī nahīñ kahtā mujhe niiñd aa.ī hai

idhar ka.ī dinoñ se
duur duur tak bhī niiñd kā pata nahīñ

jaag uTThā thā sub.h maut kī niiñd se
raat aa.ī to martā huā maiñ hī thā

jahāñ par maañ ko gahrī niiñd aa.ī
usī miTTī kā hai dīdār karnā

niiñd ke āb-e-ravāñ ko maat dene ā.ūñgā
ai shab-e-nā-ḳhvāb terā saath dene ā.ūñgā

jaisī niiñd hotī hai
vaise ḳhvāb hote haiñ

kisī ko maḳhmalīñ bistar pe bhī mushkil se niiñd aa.e
kisī ko 'naqsh' dil kā chain TuuTī chārpā.ī de

nirāsh chāñd tīrgī meñ ghul ke shānt ho gayā
'sahar' maiñ niiñd meñ chalī to ḳhvāb se nikal ga.ī

din ke rastoñ par bichā.ī nā-rasā.ī kī thakan
niiñd kī dahlīz par ḳhvāboñ kā par rakkhā gayā

mire apne bhī to kuchh ḳhvāb haiñ 'jāzil'
jo merī niiñd kī vaadī meñ aane kī tamannā

havā ke narm jhoñkoñ ne jagāyā terī yādoñ ko
havā kā ruḳh badal jaa.e to shāyad niiñd aa jaa.e