Tags-Nigaah

mirī nigāh meñ ik rañg ab bhī baaqī hai
maiñ chāhtā huuñ ki vo bhī kabhī bikhar jaa.e

guzar gayā hai zamāna magar mujhe 'rif.at'
hai ab bhī yaad kisī kī nigāh-e-tauba-shikan

mire dil ke saath hī chhīn le mirī ḳhud-shanās nigāh bhī
maiñ tire qarīb na ā.ūñgā ye tavahhumāt liye hue

kyuuñ jānte haiñ san.at-o-hirfat ko bāġh-e-ḳhuld
ġhairoñ kī ham nigāh meñ haiñ ḳhaar āj-kal

jahāñ nigāh se insāñ banā.e jaate haiñ
vo bāb-e-mai-kada mere liye khulā to milā

tumhārī ek yaad be-shumār hasratoñ ke rañg
nigāh meñ sajā ga.ī charāg ke baġhair bhī

vo shaḳhs yuuñ nigāh meñ nigāh Daal kar gayā
bujhī bujhī sī zindagī mirī bahāl kar gayā

bas ik nigāh se luTtā hai qāfila dil kā
so rah-ravān-e-tamannā bhī Dar ke dekhte haiñ

aziiz huuñ maiñ tujhe kis qadar ki har ik ġham
tirī nigāh bachā kar mirī talāsh meñ hai

jo chhup ke dekheñ to taaḌ jaave vagar sarīhan to dekho phurtī
ki aate aate nigāh ruḳh tak chhupā le muñh ko ulaT ke āñchal

ba-vaqt-e-shām umīdoñ kā Dhal gayā sūraj
had-e-nigāh se aage nikal gayā sūraj

Daro apne jī kī umañg se
kaTe kyuuñ nigāh patañg se

kabhī salīb kī sūrat kabhī hilālī thā
mirī nigāh meñ ik paikar-e-ḳhayālī thā

nigāh aur charāġh aur ye asāsa-e-jāñ
tamām hotī huī shab ke naam karnā thā

tirī nigāh se bachne meñ umr guzrī hai
utar gayā rag-e-jāñ meñ ye neshtar phir bhī

gum hai nām-e-āmirī ḳhuub ai nigāh-e-sāmrī
tere afsūñ se bane haiñ zīnat-e-afsāna ham

phir dījiye nigāh ko paiġhām-e-justujū
manzil se kyuuñ nazar ko gurezāñ banā.iye

tirchhī ye nigāh hai ki aarā
har juzv-e-jigar hai paarā paarā

ai parī-rū tire dīvāne kā īmāñ kyā hai
ik nigāh-e-ġhalat-andāz pe qurbāñ honā

shajar se ik umr kī rifāqat ke silsile haiñ
nigāh ab dekhtī hai barg o samar se aage