English
Favourite
Favourite
UrduShayarUrduShayar
Expand menu
Sign inAccount

Tags-Nigaah

tirī ik nigāh se sāqiyā vo bahār-e-be-ḳhabarī rahī
gul-e-tar vahī gul-e-tar rahā vahī Daal Daal harī rahī
Ghazal
 rah-e-ishq mein gham-e-zindagi ki bhi zindagi safari rahi
kam-mā.egī ne dil tujhe be-qadr kar diyā
duzd-e-nigāh-e-nāz ke qābil nahīñ rahā
Ghazal
 kaif-e-surur-o-soz ke qabil nahin raha
tire jamāl kā saudā to kar liyā lekin
kabhī nigāh kabhī jaan kā ḳhasāra huā
Ghazal
 kabhi sitara kabhi ramz-o-istiara hua
sabhī ne ā.īna dekhā abhī musallam thā
tirī nigāh paḌī aur paara paara huā
Ghazal
 kabhi sitara kabhi ramz-o-istiara hua
ik nigāh-e-lutf kī muhtāj hai tāmīr-e-ishq
aap kyuuñ ghabrā ga.e TuuTā huā dil dekh kar
Ghazal
 aap to ghabra gae betabi-e-dil dekh kar
DhūñDhtī hai nigāh bhagdaḌ meñ
koī sūrat ho jānī-pahchānī
Ghazal
 tum samajh lete gar pareshani
baiThe haiñ but bane hue aise vo sāmne
hone ko ab nigāh se guft-o-shunīd hai
Ghazal
 paigham-e-zindagi hai KHushi ki nawed hai
yaqīn chāñd pe sūraj meñ e'tibār bhī rakh
magar nigāh meñ thoḌā sā intizār bhī rakh
Ghazal
 yaqin chand pe suraj mein etibar bhi rakh
pesh-e-nigāh-e-muztarib hāsil-e-justujū bhī hai
ya.anī vo shoḳh mā.il-e-pursish-e-ārzū bhī hai
Ghazal
 lutf rahega ham-nashin zahid ba-wazu bhi hai
nigāh-e-barq meñ vo ḳhaar se khaTakne lage
jo tinke jam.a kiye ham ne apne ghar ke liye
Ghazal
 main iztirab mein hun sham se sahar ke liye
kabhī paas aa ke nigāh kar hai ye zindagī tirā aa.ina
tirā ruup ham tirā pyaar ham tirī aarzū kā siñgār ham
Ghazal
 kabhi naghma-e-gham-e-arzu kabhi zindagi ki pukar hum
tirī nigāh-e-tajassus bhī pā nahīñ saktī
us aarzū ko jo dil meñ kahīñ chhupī hogī
Ghazal
 jo tujhse shor-e-tabassum zara kami hogi
ġharaz to ye hai tirā markaz-e-nigāh rahūñ
sukūn-e-dil na sahī iztirāb paidā kar
Ghazal
 mizaj-e-naghma-o-sher-o-sharab paida kar
dil-o-nigāh ko dhoke bhī raas aa.e haiñ
vufūr-e-tishna-labī meñ sarāb paidā kar
Ghazal
 mizaj-e-naghma-o-sher-o-sharab paida kar
taḌpeñ na ham to kyā kareñ dekh kar us ko ik nigāh
hoñ bijliyāñ bharī huī jis chashm-e-sehr-kār meñ
Ghazal
 qahr hua ghazab hua shor hai lala-zar mein
mukammal tabsira kartā huā ayyām-e-rafta par
nigāh-e-be-suḳhan meñ ek ashk-e-be-kalām aayā
Ghazal
 nigah-o-dil ka afsana qarib-e-iKHtitam aaya
nigāh-o-dil kā afsāna qarīb-e-iḳhtitām aayā
hameñ ab is se kyā aa.ī sahar yā vaqt-e-shām aayā
Ghazal
 nigah-o-dil ka afsana qarib-e-iKHtitam aaya
ujaḌ ga.ī hai mirī kā.enāt-e-dil phir bhī
mirī nigāh meñ ābād ik jahāñ sā hai
Ghazal
 har ek naqsh tere panw ka nishan sa hai
is intizār meñ baiThe haiñ un kī mahfil meñ
ki vo nigāh uThā.eñ to ham salām kareñ
Sher
 is intizar mein baiThe hain unki mahfil mein
dekho badal ke zāviya apnī nigāh kā
jo rū-ba-rū nahīñ hai vahī rū-ba-rū na ho
Ghazal
 mumkin hai shai wahi ho magar hu-ba-hu na ho
Top Urdushayar.com