Tags-Pani

kahānī ishq kī ya.anī yahī hai
yahī hai aag aur paanī yahī hai

dar-o-dīvār par itnā paḌā hai saare din paanī
agar kal dhuup bhī niklegī to ghar baiTh jā.egā

mire naġhmoñ se sahbā-e-kuhan bhī ho ga.ī paanī
ta.ajjub kar rahe haiñ rañg-e-mahfil dekhne vaale

maiñ pahle piyāle meñ
paanī rakhūñgā

mauja-e-ġham meñ ravānī bhī to ho
kuchh jigar kā ḳhūn-pānī bhī to ho

qaid huī haiñ āñkheñ ḳhvāb jazīre par
pā kar ek sazā sī kaale paanī kī

aisī achchhī sūrat niklī paanī kī
āñkheñ pīchhe chhūT ga.iiñ sailānī kī

maiñ us kī ā.ankhoñ ke pīchhe bhāgā thā
jab afvāh uḌī thī un meñ paanī kī

na havā aur na miTTī pe kabhī ho paayā
jo bharosā hai mujhe bahte hue paanī par

kināre baiTh ke aañsū bahā ke aa.e the
nadī kī pyaas ko paanī pilā rahe the ham

yā sāya-e-gul kā hai ye karam yā farq hai daane paanī kā
panchhī to vahī haiñ gulshan meñ pahlī sī magar parvāz nahīñ

kyā ātish-e-furqat ne burī paa.ī hai tāsīr
is aag se paanī bhī bujhāyā nahīñ jaatā

jī haañ itne ThāT-bāT se
paanī pī kar ghaaT ghaaT se

terī ġhazal paḌhī to ye jaanā 'rafīq'-rāz
paanī ke shor meñ hai ravānī kā shor bhī

hassās huuñ aur is pe vo shiddat kī pyaas hai
suntā huuñ ab sarāb meñ paanī kā shor bhī

aag paanī meñ jo lagātā hai
vo bhī hogā koī bashar shāyad

āñsuoñ ne tirī tasvīr bhī dhundlī kar dī
naqsh paanī pe magar ham ne banā.e kyā kyā

pyaas kī shiddat thī sairābī meñ sahrā kī tarah
vo badan paanī meñ kyā utrā ki dariyā jal gayā

bhaap honā to terī qismat hai
ek tasvīr hai tū paanī kī