Tags-Pani

maiñ aise moḌ par apnī kahānī chhoḌ aayā huuñ
kisī kī aañkh meñ paanī hī paanī chhoḌ aayā huuñ

dariyā ke kināre pe mirī laash paḌī thī
aur paanī kī tah meñ vo mujhe DhūñDh rahā thā

kachchī dīvāroñ ko paanī kī lahar kaaT ga.ī
pahlī bārish hī ne barsāt kī Dhāyā hai mujhe

na koī ḳhvāb hamāre haiñ na ta.abīreñ haiñ
ham to paanī pe banā.ī huī tasvīreñ haiñ

har qadam par amiir is tarah Thaharnā sochnā kis liye
vaqt chhalnī hai aur is meñ paanī na pun ham-safar baat sun

naam paanī pe likhne se kyā fā.eda
likhte likhte tire haath thak jā.eñge

bahut hī yaad aatā hai koī bachhḌā huā mujh ko
kabhī jab sāmnā kartā huuñ shoḳh-o-shañg paanī kā

satātā hai jo dasht-e-nā-murādī ke asīroñ ko
vo taarā us hasīñ ke sāmne hai dañg paanī kā

kisī anjān ḳhushbū se tabī.at sair hai us kī
agarche qāfiya kuchh roz se hai tañg paanī kā

muqayyad rañg khilte hoñ kisī billor se jaise
khulā is tarah mere ḳhvāb par arzañg paanī kā

bahut din se maiñ 'sājid' darmiyāñ huuñ apne pyāroñ ke
ki ThanDā paḌ chukā hai ab mahāz-e-jañg paanī kā

huā raushan dam-e-ḳhurshīd se phir rañg paanī kā
damak uTThā hai mere aa.ine par zañg paanī kā

abhī fursat nahīñ hai kār-e-duniyā meñ ulajhne kī
magar tabdīl kar saktā huuñ maiñ bhī Dhañg paanī kā

tere hāthoñ jal uThe ham tere hāthoñ jal bujhe
hote hote aag aur paanī kā andāza huā

pahle to miTTī kā aur paanī kā andāza huā
phir kahīñ apnī pareshānī kā andāza huā

aur kyā āḳhir tujhe ai zindagānī chāhiye
aarzū kal aag kī thī aaj paanī chāhiye

ai subuk saada nishāñ, paanī kī lahr
ai gul-e-imkāñ ḳhabar mauj-e-havā

phuuT paanī meñ paḌ ga.ī hai kyā
lahr dariyā banāne niklī hai

har na.ī lahr meñ nayā paanī
vo jo pichhlī thī ab vo aglī hai

ye chashm-e-abr kā paanī ye naḳhl-e-mehr ke paat
utar rahā hai mirā rizq āsmānoñ se