Tags-Partition

maiñ na dūñgā tujhe vo khet jalāne kā sabaq
fasl baaqī hai to taqsīm badal saktī hai

us lutf-o-karam ke aa.iiñ meñ mar kar bhī na kuchh tarmīm huī
is mulk ke kone kone meñ miTTī bhī tirī taqsīm huī

taqsīm tum mutābiq-e-mehnat na kar sake
taslīm ham mutābiq-e-qismat na kar sake

jis se ho jaa.eñ mire chāhne vaale taqsīm
aisī dīvār na koī mire me.amār uThā

us ke farmānoñ kī elānoñ kī tāzīm karo
raakh taqsīm kī armān bhī taqsīm karo

jis ne insānoñ kī taqsīm ke sadme jhele
phir bhī insāñ kī uḳhuvvat kā parastār rahā

ai 'josh' hujūm-e-kulfat meñ fariyād o fuġhāñ se kaam na le
ghaT jā.egā is se dil kā asar ajzā-e-tapish taqsīm na kar

vaqt ke ik kañkar ne jis ko aksoñ meñ taqsīm kiyā
āb-e-ravāñ meñ kaise 'amjad' ab vo chehrā joḌūñgā

ishq ne mansab-e-ushshāq jo taqsīm kiye
baaġh bulbul ko diyā kūcha-e-jānāñ mujh ko

us ke farmānoñ kī elānoñ kī tāzīm karo
raakh taqsīm kī armān bhī taqsīm karo

jis ne insānoñ kī taqsīm ke sadme jhele
phir bhī insāñ kī uḳhuvvat kā parastār rahā

yahī hai kyā tirī taqsīm-e-gulsitāñ kā usuul
kisī ko phuul mileñ aur kisī ko ḳhaar babūl

jām-e-aqīq zard hai nargis ke haath meñ
taqsīm kar rahā hai mai-e-arġhavāñ basant

ishq ne mansab-e-ushshāq jo taqsīm kiye
baaġh bulbul ko diyā kūcha-e-jānāñ mujh ko

donoñ ne dard-e-ishq ko taqsīm kar liyā
thoḌā sā dil meñ hai to zarā sā jigar meñ hai

taqsīm karne niklā thā vo raushnī magar
jalte hue diye ko havā kā savāl thā

samajh ke farz kabhī din ko raat mat karnā
guzarte lamhoñ se taqsīm zaat mat karnā

ajiib Dhañg se taqsīm-e-kār kī us ne
so jis ko dil na diyā us ko dilrubā.ī dī

magar shā.irī hai us fan kā naam
jise taqsīm karne meñ