Tags-Parwana

aaj vo bazm meñ ḳhud sham.a bane baiThe haiñ
hai koī mudda.ī-e-soz jo parvāna bane

jaan jaane ko hai aur raqs meñ parvāna hai
kitnā rañgīn mohabbat tirā afsāna hai

ḳhayāl-e-sham-ruḳh-e-yār meñ jale tā-sub.h
liyā qarār na parvāna-vār saarī raat

parvāna rañgoñ ke urs-e-judā.ī meñ sair-e-charāġhāñ hai jān-e-'sirāj' aaj
raushan fatīle haiñ aahoñ ke sho.aloñ ke siine meñ kore sakoroñ kī mānind

parvāna bhī thā garm-e-tapish par khulā na raaz
bulbul kī tañg-hauslagī thī ki ġhul huā

hai barq-e-sar-e-tūr se dil shola-ba-dāmāñ
sham-e-sar-e-mahfil huuñ maiñ parvāna nahīñ huuñ

hotī kahāñ hai dil se judā dil kī aarzū
jaatā kahāñ hai sham.a ko parvāna chhoḌ kar

bulbul o parvāna karnā dil ke ta.iiñ
kaam hai tujh chehra-e-gul-nār kā

kaun sī vo sham.a thī jis kā maiñ parvāna huā
aur phir lau bhī lagī aisī ki dīvāna huā

na koī sham.a hai raushan na raqs-e-parvāna
sukūn-e-gor-e-ġharībāñ talāsh kartā huuñ

hotā hai faash girya-e-paiham se rāz-e-ishq
ai sham.a rāz-dārī-e-parvāna chāhiye

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ham bhī parvāna-mizājī kā dikhā.eñ aalam
qīmat-o-qadr-e-vafā kuchh hameñ ma.alūm to ho

dil jalāyā sūrat-e-parvāna jab se ishq meñ
farz tab se sham.a par aañsū bahāna ho gayā

soz-e-ulfat kā hai parvāna dil-e-bazm apnā
ye vo pamba hai nihāñ jis meñ sharar rahtā hai

parvāne kī tapish ne ḳhudā jaane kaan meñ
kyā kah diyā ki sham.a ke sar se dhuāñ uThā

maiñ DhūñDh rahā huuñ mirī vo sham.a kahāñ hai
jo bazm kī har chiiz ko parvāna banā de

jal ke us ne jaan dī ye naale kar ke rah ga.ī
ishq-e-bulbul par bhī faa.iq ishq-e-parvāna huā

na.ī sham.eñ jalāo āshiqī kī anjuman vaalo
ki suunā hai shabistān-e-dil-e-parvāna barsoñ se

sham.a saañ ghulte raheñ ham aur na ho us ko lagan
'mashriqī' ma.ashūq be-parvāna aisā chāhiye