Tags-Parwana

hadīs-e-soz-o-sāz-e-sham-o-parvāna nahīñ kahte
ham apnā hāl-e-dil kahte haiñ afsāna nahīñ kahte

ilāhī jaan dī hai maiñ ne kis ke rū-e-raushan par
hazāroñ sham.eñ parvāna banī haiñ mere madfan par

avval-e-shab vo bazm kī raunaq sham.a bhī thī parvāna bhī
raat ke āḳhir hote hote ḳhatm thā ye afsāna bhī

jalva-e-ishq haqīqat thī husn-e-majāz bahāna thā
sham.a jise ham samjhe the sham.a na thī parvāna thā

bujh ga.ī raunaq-e-parvāna to mahfil chamkī
so ga.e ahl-e-tamannā to sitamgar aayā

chup hai parvāna to kyā sham.a ko ḳhud hai iqrār
aap hī jalte haiñ auroñ ko jalāne vaale

mat buujh soz-e-ishq siiñ fāriġh sirāj kuuñ
parvāna-vār jaan siiñ balhār thā so hai

us sā māshūq jahāñ meñ koī mujh sā āshiq
'arsh' aage na huā thā na huā mere ba.ad

muñh se āñchal jo haTātā vo sar-e-bazm 'jalīl'
ba-ḳhudā sham.a ko parvāna banāyā hotā

havā-e-par-fishānī barq-e-ḳhirman-hā-e-ḳhātir hai
ba-bāl-e-sho.ala-e-betāb hai parvāna-zār ātish

fitrat ke begār sabhī
sham.a hai parvāna hai

ruḳh-e-raushan ke aage sham.a rakh kar vo ye kahte haiñ
udhar jaatā hai dekheñ yā idhar parvāna aatā hai

parvānā-o-charāġh par aatā hai mujh ko rashk
kis tarah tum se uḌ ke lipaT jā.ūñ bas nahīñ

is vāste ḳhāk-e-parvāna par sham.a bahātī hai aañsū
mumkin hai vafā ke qisse meñ us kā bhī kahīñ naam aa jaa.e

is dil kā mire jalnā rakhtā hai vo kaifiyyat
dekhegā jo parvāna ho jā.egā mastāna

sham-e-mahfil tumheñ kahtā thā zamāna dekhā
huā parvāna uḌ ke fidā aap hī aap

merī vārafta-nigāhī kī bhī kuchh qīmat hai
bazm kī bazm ruḳh-e-yār kā parvāna sahī

jo jalātā hai kisī ko ḳhud bhī jaltā hai zarūr
sham.a bhī jaltī rahī parvāna jal jaane ke ba.ad

na sahī jism magar ḳhaak to uḌtī phirtī
kaash jalte na kabhī bāl-o-par-e-parvāna

ai sham.a terī lau meñ vo kaun sī ḳhūbī hai
jo tujh se gale mil kar jal jaatā hai parvāna