Tags-Peace

mil ke sab amn-o-chain se rahiye
la.anteñ bhejiye fasādoñ par

jab savāl aayā ki ik mazmūn shā.ir par likheñ
to javāban amn kā shā.ir payambar likh diyā

jahāñ ko degī jo 'kausar' payām-e-amn-o-amāñ
adīb-e-vaqt raqam vo kitāb kar degā

us ne hañgāmoñ se bahlā.ī hai apnī duniyā
vaqt se amn kī shahnā.ī bajā.ī na ga.ī

ḳhudā-e-amn jo kahtā hai ḳhud ko
zamīñ par ḳhud hī maqtal likh rahā hai

ham ḳhālī peT sarhad par
hāthoñ kī amn zanjīr nahīñ banā sakte

lahrāte hue aa.e the vo amn kā parcham
parcham ko uThā.e hue neze kī anī thī

phir ek baar kisī jañg par nikalte hue
fazā-e-qarya-e-amn-o-amān oḌh ke dekh

koī to haq kī kiran phūTe zulm kī shab meñ
nigāh-e-amn-o-amāñ tishna-bār hai ab tak

shorisheñ aap kī haiñ ma.anī-e-nau se labrez
amn-e-ālam kā amiiñ kaun hai aaġhā shorish

un amn-pasandoñ ke parakhne ko kasauTī
is daur kī tafsīl-e-fasādāt bahut hai

surḳh hī surḳh hai is shahr kā manzar-nāma
amn hote hī fasādāt ne añgḌā.ī lī

amn se ham haiñ aur tum bhī
amn hai raunaq duniyā kī

amn kī sab shāhrāheñ tañg ho kar rah ga.iiñ
hādsoñ ne rāsta kitnā kushāda kar liyā

ġharīb maaoñ sharīf bahnoñ ko aman-o-izzat kī zindagī de
jinheñ atā kī hai tū ne tāqat unheñ hidāyat kī raushnī de

amn kā qatl ho gayā jab se
shahr ab bad-havās rahtā hai

buġhz-o-kīne se kudūrat se hai nafrat ham ko
āshtī-amn-o-mohabbat ke parastār haiñ ham

ḳhair ummat haiñ mohabbat haiñ vafā pyaar haiñ ham
amn-e-ālam ke zamāne meñ alam-dār haiñ ham

na thā shahr-e-dehlī ye thā chaman kaho kis tarah kā thā yaañ aman
jo ḳhitāb thā vo miTā diyā faqat ab to ujḌā dayār hai

uqāb-e-zulm ke panje abhī kahāñ TuuTe
abhī to fāḳhta-e-aman ḳhuun meñ tar hai