Tags-Peace

julūs-e-amn jab niklā to ham ne 'shauq' ye dekhā
kahīñ ḳhanjar nikal aa.e kahīñ neze nikal aa.e

pyaar kā desh aur naġhmagī kī zamīñ
amn kī mumlikat āshtī kī zamīñ

amn kī pothī juzdānoñ meñ hāthoñ meñ hathiyār
gāñdhī ke is des meñ sastā ḳhuun hai mahñgā pyaar

jis pe chalne kā sila hai manzil-e-amn-o-sukūñ
khīñch dī hai vaqt ne us raah meñ dīvār dekh

maiñ sulh-o-amn kā shaidā.ī huuñ mire rahbar
fasād-o-fitna pe tū kyuuñ ubhārtā hai mujhe

amn likhnā nahīñ sīkheñ jinheñ paḌh kar bachche
un kitāboñ pe kisī kī bhī sanad hai rad hai

sad-chāk qabā-e-amn-o-sukūñ uryāñ hai ahinsā.ī kā junūñ
kuchh ḳhuuñ se shahīdoñ ne apne vo gul haiñ khilā.e zindāñ meñ

laboñ pe amn ke naġhme diloñ meñ jañg kī aag
shikast-e-azm ba-nām-e-sipāh likh liije

ab vo din duur nahīñ dekhnā tum bhī yaaro
amn ke naam pe kyā fitna bapā hotā hai

faqat amn-o-amāñ kī baat ho to achchhā lagtā hai
diloñ meñ ḳhauf dahshat vasvase achchhe nahīñ lagte

tum apne shahr meñ amn-o-amāñ kī baat karo
jahāñ sukūñ hai vahāñ log bad-havās bhī haiñ

maiñ sarāsar ek andesha huuñ naqs-e-amn kā
mujh ko rakhtā hai lihāzā merā qaidī bāñdh kar

vahāñ to amn ke sajdoñ kī nūr-pāshī thī
kahā thā kis ne ki masjid shahīd kī jaa.e

roz naqsha banā ke duniyā kā
rañg-e-amn-o-sukūn bhartā huuñ

chaman-e-amn-o-amāñ ke tumheñ ho sair-nasīb
sā.īñ allāh sadā bar-sar-e-irshād raho

fazā ye amn-o-amāñ kī sadā rakheñ qaa.em
suno ye farz tumhārā bhī hai hamārā bhī

bahut qarīb hai vo daur ḳhush-gavār ki jab
nigār-e-amn sajā.egī kār-ḳhānoñ ko

amn-e-ālam kī ḳhātir
jañg yugoñ se jaarī hai

sunā hai amn-parastoñ kā vo ilāqa hai
vahīñ shikār kabūtar huā to kaise huā

maqām-e-amn qafas kyā ki āshiyāñ bhī nahīñ
sukūñ vahāñ bhī nahīñ thā sukūñ yahāñ bhī nahīñ