Tags-Philosophical

ham ko hai ma.alūm sab rūdād-e-ilm-o-falsafa
haañ har īmān-o-yaqīñ vahm-o-gumāñ bantā gayā

aqīdatoñ kā ajab falsafa hai kyā kiyā jaa.e
ki is meñ uñgliyāñ dab jaatī haiñ kamān tale

koī 'tagore' ke jab mīThe mīThe giit gaatā hai
moallim go.eTe kā falsafa jis dam sunātā hai

jahān-e-kohna ke maflūj falsafa-dāno
nizām-e-nau ke taqāze savāl karte haiñ

mujh ko sunñā hī nahīñ hai talḳhiyoñ kā falsafa
umr bhar to maiñ ne tanhā ġham sahejā kyā karūñ

apne pahlū meñ sameTe ho ġham-e-hastī kā nuur
aisā koī falsafa insān ko miltā nahīñ

maslahat andesha-e-ġham ko zarā kam kar ga.ī
falsafa vo jhuuT shāmil jis meñ dānā.ī bhī hai

jamāl-e-kā.enātī mo.ajiza hai husn-e-kun kā
yahāñ par irtiqā kā falsafa kaafī nahīñ hai

phir mohabbat kā falsafa kyā hai
ye agar sab lahū kī vahshat hai

mujhe samajhnā bhalā sab kī dastaras meñ kahāñ
koī kahānī maiñ thoḌī huuñ falsafa huuñ maiñ

kuchh samajh meñ na aaj tak aayā
falsafa maut-o-zindagānī kā

aaj shāyad zindagī kā falsafa samjhā huuñ maiñ
huuñ zarūrat zindagī kī is liye zinda huuñ maiñ

hikmateñ fikr-o-tadabbur meñ rakhī haiñ 'jāzib'
falsafa sho.ala-bayānī se nikal aayā hai

mere suḳhan meñ tabhī falsafa ziyāda hai
ki maiñ ne likkhā bahut kam paḌhā ziyāda hai

daulat bhī hai falsafa bhī hai jaah bhī hai
lutf-e-husn-e-butāñ-e-dil-ḳhvāh bhī hai

aa ke ab jañgal meñ ye uqda khulā
bheḌiye paḌhte nahīñ haiñ falsafa

alī kī zaat kā ye falsafa hai
ibādat hai payambar kā tahaffuz

tazād-e-hastī kā falsafa huuñ uruuj o pastī kā aa.inā huuñ
uThā huā ik ġhurūr-e-sar huuñ miTā huā ek naqsh-e-pā huuñ

ai falsafa-go,
kahāñ vo rūyā-e-āsmānī?

'ehsās' shā.irī meñ ghulātā hai falsafa
har sher arz kartā hai jauhar kī koī chiiz