Tags-Philosophical

ishq ik tabsira hai husn kī ra.anā.ī par
husn ik falsafa hai ishq kī rusvā.ī kā

rāh-e-insāniyat hī avval hai
hai yaqīnan ye falsafa dil kā

miTānī hai jo diloñ kī duurī to falsafa hai ye āzmūda
charāġh-e-ulfat jalā.eñ ham tum diloñ kī nafrat ko raam kar ke

talāsh-e-ma.anī-e-hastī meñ falsafa na ḳhirad
ye raaz aaj talak be-hijāb ho na sakā

hamāre ba.ad rivāyat chalī mohabbat kī
nizām-e-ālam-e-hastī ko falsafa to milā

mubārak ho za.īfī ko ḳhirad kī falsafa-rānī
javānī be-niyāz-e-ibrat-e-anjām hai saaqī

falsafa bhī ḳhudī falsafī bhī ḳhudī
aap tālib hai aap hī kitāb aadmī

jab koī ek kashish khīñch rahī hai ham ko
kīmiyā falsafa-dānī meñ na rakkhī jaa.e

falsafa ishq kā asrār fan-o-hikmat ke
ḳhānqāhoñ se paḌheñ sīna-ba-sīna sīkheñ