Tags-Phool

ḳhushbū kī tarah phuul kī uTThūñgā chaman se
to phuul ko zulfoñ se girā kyuuñ nahīñ dete

kabhī to mere lahū ke nishāñ baneñge phuul
maiñ ġham ke dasht se guzrā barhana-pā har baar

zaḳhm kā naam phuul kaise paḌā
tere dast-e-hunar se pūchhte haiñ

ḳhumārī nayan the khile phuul jiiv meñ
nahīñ mo ko duunā o baalā kā hājat

bikhar ga.ī haiñ jahāñ TuuT kar ye chaTTāneñ
yahīñ to phuul koī sāhib-e-farāsh bhī thā

lahū ke phuul rag-e-jāñ meñ jis se khilte the
vahī to shīsha-e-dil thā ki paash paash bhī thā

kāḌhtā thā maiñ hī sañg-e-saḳht par resham se phuul
kyā ḳhabar thī ye nazar shā.istagī taḌpā.egī

rafta rafta phuul chehroñ kī chamak ko khā ga.e
jins-parvar bhūkī nazroñ ke nigalte zāviye

ik shikārī kā vo bachcha haa.e vo nanhā sā phuul
maiñ qafas meñ lauT aayā dasht saarā dekh kar

ḳhatā nahīñ jo khile phuul rāh-e-sarsar meñ
ye jurm hai ki vo fikr-e-ma.āl rakhte the

phuul kumhlā gayā thā pheñk diyā
apne gul-dān meñ nahīñ huuñ maiñ

chupke chupke khīñchtā jaatā huuñ kāñToñ kā hisār
maiñ ki ab Darne lagā huuñ phuul kī mahkār se

ye titlī phuul par baiThī hai to baiThī bhī rahne de
havā palkeñ jhapak lekin jhapak āhista āhista

us ko ehsās kī ḳhushbū se rihā karnā thā
phuul ko shāḳh se khilte hī judā karnā thā

phuul sī koī yaad hai us se vābasta
mere dil kā zaḳhm mahaktā rahtā hai

vo zaḳhm zaḳhm thā tīra-shabī ke dāman meñ
laboñ pe phuul nazar meñ kiran bhī rakhtā thā

arbāb-e-chaman jo kahte haiñ vo naam mujhe ma.alūm nahīñ
jis shāḳh pe koī phuul na ho maiñ us ko tamannā kahtā huuñ

barsāteñ zaḳhmoñ ko harā kar detī thiiñ
aur havā.eñ phuul khilāne vaalī thiiñ

paḌā hai phuul ghar meñ kaahe ko 'mīr'
jhamak hai gul kī barq-e-āshiyāñ hai

batā.eñ kyā tumheñ zākir husain kaise the
vo phuul ban ke hamāre chaman meñ rahte the