Tags-Phool

lahreñ sī vo letā huā ik phuul kā sehrā
sehre meñ jhamaktā huā ik chāñd sā chehrā

kaf-e-pā yaar kā hai phuul kī pañkhuḌī se nāzuk-tar
mirā dil narm-tar hai us ke hote us se mat sahlā

dukhoñ ke phuul to haiñ zaḳhm to hai daaġh to hai
harā-bharā mire siine meñ koī baaġh to hai

chaman kā husn samajh kar sameT laa.e the
kise ḳhabar thī ki har phuul ḳhaar niklegā

sabr ke baaġh ke manDve se jhaḌā huuñ jiyūñ phuul
ab to lāchār gale haar huuñ kin kā un kā

is mausam-e-bahār meñ ai bāġhbāñ batā
chehra har ek phuul kā kyuuñ zard zard hai

har saañs tirī bād-e-sahar kā koī jhoñkā
maiñ phuul nahīñ aur tire raste meñ khilā huuñ

aao sahrā meñ ye dīvāne se chal kar pūchheñ
phuul kyuuñ chaak garebān bahut kartā hai

tumhāre phuul taaza haiñ
mirī sab uñgliyoñ par ug rahe haiñ

zamāna kaash na aa.e ki phuul phal ke baġhair
faqat gharoñ kā ho jañgal shajar bhī koī na ho

us ne qadmoñ meñ sajā rakkhe haiñ ummīd ke phuul
dekhne vāloñ ko jo ābla-pā lagtā hai

shamīm-e-yār na jab tak chaman meñ chhū aa.e
na rañg aa.e kisī phuul meñ na bū aa.e

mahaktā jhūmtā ik taaza phuul huuñ maiñ bhī
bikhar ga.ī hai havāoñ meñ tāzgī merī

shadīd garmī meñ kaise nikle vo phūl-chehra
so apne raste meñ dhuup dīvār ho rahī hai

ḳhvāb meñ jo kuchh dekh rahā huuñ us kā dikhānā mushkil hai
ā.īne meñ phuul khilā hai haath lagānā mushkil hai

us ke qadam se phuul khile haiñ maiñ ne sunā hai chaar taraf
vaise is vīrān-sarā meñ phuul khilānā mushkil hai

jalva-afgan nuur ke haiñ phuul phal tuubā kī tarf
ḳhuld se mañgvā.e haiñ ashjār qiasar-bāġh meñ

mausam sūkhe peḌ girāne vaalā thā
kisī kisī meñ phuul bhī aane vaalā thā

rishta-e-dard toḌ de dil se
rañg ko phuul se judā kar de

har ek phuul kalī ko bulā rahā hai qarīb
chaman meñ aa.e haiñ ab ke kamāl ke mausam