Tags-Phool

ḳhvāboñ ke bahut phuul mahakte haiñ laboñ par
ta.abīr kī ho jaa.e koī baat kisī din

ye jo uḌtī huī sā.at-e-ḳhvāb hai kitnī mahsūs hai kitnī nāyāb hai
phuul palkoñ se chuntī huī raushnī aur maiñ ḳhushbueñ tahrīr kartā huā

phir fazā dhundlā ga.ī āsār haiñ tūfān ke
kāñpte haiñ phuul kamre meñ mire gul-dān ke

titliyāñ nāchtī haiñ
phuul se phuul pe yuuñ jaatī haiñ

titliyāñ nāchtī haiñ
phuul se phuul pe yuuñ jaatī haiñ

ek patthar ki dast-e-yār meñ hai
phuul banñe ke intizār meñ hai

use shauq thā ki kisī jazīre pe us ke naam kā phuul ho
mujhe pyaar karnā sikhā gayā mirā dost kitnā zahīn thā

qalaq-e-dil se haiñ jaise mire ruḳhsāre zard
phuul geñde ke bhī hoñ aise na bechāre zard

lapak to sho.ala kī fitrat hai phir bhī kyā kiije
ki is meñ phuul sī rañgat tere badan kī hai

rañg-e-bahār par na phuul bū-e-chaman se darguzar
ye bhī haiñ ḳhushnumā fareb-e-dāna-o-dām ke sivā

shahr kyā dekheñ ki har manzar meñ jaale paḌ ga.e
aisī garmī hai ki piile phuul kaale paḌ ga.e

vahī to din the ujāloñ ke phuul chunñe ke
unhīñ dinoñ maiñ añdheroñ ke intiḳhāb meñ thā

maiñ surḳh phuul ko chhū kar palaTne vaalā thā
vo jazb thā ki mirā jism kaTne vaalā thā

haañ vahī phuul jo shabnam kī badaulat mahke
un se bhī ho na sakā girya-e-shabnam kā ilaaj

use maiñ hī jānūñ huuñ dostoñ kisū vaqt apnā bhī yaar thā
kabhū mom thā kabhū sañg thā kabhū phuul thā kabhū ḳhaar thā

har phuul kī mahak hai chaman meñ junūñ-asar
shāyad isī jagah koī sahrā bhī thā kabhī

sīrat na ho to āriz-o-ruḳhsār sab ġhalat
ḳhushbū uḌī to phuul faqat rañg rah gayā

hatheliyoñ kī duā phuul ban ke aa.ī ho
kabhī to rañg mire haath kā hinā.ī ho

aaj tak us kī mohabbat kā nasha taarī hai
phuul baaqī nahīñ ḳhushbū kā safar jaarī hai

aaj kā phuul tirī kokh se zāhir hogā
shāḳh-e-dil ḳhushk na ho ab ke tirī baaī hai