Collections

Lab Shayari

Motivational Ghazals

Best Khamoshi Shayari

More Collections

Tags-Politics

maslahat-āmez hote haiñ siyāsat ke qadam
tū na samjhegā siyāsat tū abhī nādān hai

maslahat-amez hote hain siyasat ke qadam

siyāsat kī baazī vatan noch legī
kafan uf shahīdoñ ke Dhalte raheñge

ye arman jab tak machalte rahenge

rishtoñ meñ bhī aa.ī siyāsat kaisī be-īmānī hai
haiñ saare alfāz shagufta lahje meñ vīrānī hai

rishton mein bhi aai siyasat kaisi be-imani hai

un kā jo farz hai vo ahl-e-siyāsat jāneñ
merā paiġhām mohabbat hai jahāñ tak pahuñche

kiya tajjub ki meri ruh-e-rawan tak pahunche

mohabbat meñ bhī dil vaale siyāsat kar ga.e 'aslam'
gale meñ haar Daale paañv meñ zanjīr pahnā.ī

wahi KHwabida KHamoshi wahi tarik tanhai

dāvat kā agar shauq hai jaave vo kahīñ aur
karne ko siyāsat na vo iftār meñ aave

gardish jise matlub hai gulzar mein aawe

baḌhtī huī tahrīk-e-siyāsat mujhe samjho
elān-e-baġhāvat pa.e bedād-garī huuñ

wapas jo nahin aaega mein wo safari hun

zamīñ ke paas kisī dard kā ilaaj nahīñ
zamīn hai ki mire ahd kī siyāsat hai

suKHan ke chaak mein pinhan tumhaari chahat hai

apnī urdu to mohabbat kī zabāñ thī pyāre
ab siyāsat ne use joḌ diyā maz.hab se

nind aai hi nahin hum ko na puchho kab se

ta.ajjub kuchh nahīñ 'dānā' jo bāzār-e-siyāsat meñ
qalam bik jaa.eñ to sach baat likhnā chhoḌ dete haiñ

jo hain mazlum un ko to taDapta chhoD dete hain

kise ḳhabar ki ye jiddat hai yā siyāsat hai
jafā kare bhī to kartā hai vo vafā kī tarah

raha asir kai sal naqsh-e-pa ki tarah

ye kaisī siyāsat hai mire mulk pe haavī
insān ko insāñ se judā dekh rahā huuñ

ye kaisi siyasat hai mere mulk pe hawi

mujh ko ḳhāmoshī-e-hālāt se Dar lagtā hai
ye mujhe daur-e-siyāsat kā asar lagtā hai

mujhko KHamoshi-e-haalat se Dar lagta hai

ġham-gusār chehroñ par e'tibār mat karnā
shahr meñ siyāsat ke dost bhī shikārī hai

zulf o ruKH ke sae mein zindagi guzari hai

ghirā huā hai chaman narġha-e-siyāsat meñ
bahār sho.ala-ba-dāmāñ hai kyā ġhazal kahiye

hujum-e-gardish-e-dauran hai kya ghazal kahiye

in se ummīd na rakh haiñ ye siyāsat vaale
ye kisī se bhī mohabbat nahīñ karne vaale

sar uThane ki to himmat nahin karne wale

aur phir apnī siyāsat pe pashemāñ ho kar
apne nākām irādoñ kā kafan le aa.eñ

ehsas-e-kaamran

phir siyāsat kī mahak aane lagī hai mujh ko
jaane ab kaun mire shahr meñ be-ghar hogā

har kisi aankh ka badla hua manzar hoga

dīn-o-m.āshīyāt-o-siyāsat ke peshvā
zehnoñ meñ tīrgī to adāoñ meñ raushnī

phaili hui hai sari dishaon mein raushni

is daur-e-jahl meñ ye siyāsat fasād hai
har sū hai iḳhtilāf kahāñ ittihād hai

is daur-e-jahl mein ye siyasat fasad hai