Tags-Qabr

jaañ dī ishq meñ us huur ke maiñ ne jo 'qalaq'
qabr meñ aa ke farishtoñ ne utārā mujh ko

duā-e-maġhfirat tum do utāre qabr meñ koī
paḌho talqīn tum shāna hilā.e jis kā jī chāhe

miTānā thā use bhī jazba-e-shauq-e-fanā tujh ko
nishān-e-qabr-e-majnūñ daaġh hai sahrā ke dāman meñ

vā-e-qismat ki bekasī bhī 'riyāz'
ab mirī qabr par nahīñ aatī

zindagī maut ke pahlū meñ bhalī lagtī hai
ghaas is qabr pe kuchh aur harī lagtī hai

bas ki fa.ālummā-yurīd hai aaj
har silah shor englistāñ kā

maiñ guzar ke aayā huuñ qabr se ki ilāqa rakhtā huuñ sabr se
mirī ruuh meñ koī iztirāb-e-fanā na ho kahīñ yuuñ na ho

ye kis ne aa ke qabr ko rauñdā hai paaoñ se
aatī hai bū-e-gul mirī ḳhāk-e-mazār meñ

ye kis ne aa ke qabar pe bechain kar diyā
kyā so rahī thī chain se kunj-e-mazār meñ

sabza tak apnī qabar kā ḳhvābīda ho gayā
par ham ko niiñd aa.ī na ik dam mazār meñ

ishq ke pech meñ huuñ chāhiye hamdam pas-e-marg
ishq-e-pechāñ hī mirī qabr ke lagvā.e qarīb

zer-e-dīvār-e-sanam qabr meñ sotā huuñ falak
kyuuñ na ho tāla-e-bedār par ab naaz mujhe

kanār-e-ġhair meñ rāteñ taḌap taḌap ke kaTīñ
rahe na chain se vo qabr meñ sulā ke mujhe

paivand-e-ḳhāk ho ga.e ik but kī raah meñ
patthar hamārī qabr kā sañg-e-nishāñ huā

chehle ke gul chaḌhā.e koī merī qabr par
maiñ ārzū-e-vasl-e-gul-andām le gayā

vafā karūñgā kisī sogvār chehre se
purānī qabr pe katba nayā sajā dūñgā

junūñ ne kī hai qabr-e-qais kī is tarah ārā.ish
charāġh-e-ġhūl raushan haiñ bagūla shāmiyāna hai

chhupe the qabr meñ gardish-zada kyā shādmāñ ho kar
yahāñ bhī saath hai daurān-e-sarkā āsmāñ ho kar

javāb-e-nāma nahīñ gar to rakh do nāma-e-yār
jo pūchheñ qabr meñ āshiq se kuchh javāb to de