Tags-Qatil

ham ne ye nairañgiyāñ bhī dahr kī dekhīñ ki log
dost haiñ maqtūl ke aur ham-navā qātil ke haiñ

zamāna qatl huā aur vo rahī pyāsī
gilā hai abrū-e-qātil se teġh-e-qātil ko

pā-e-qātil jo pas-e-marg bhī Thokar maare
nazr sar kījiye taslīm-o-razā se pahle

qatl ke qābil hai ye 'joshish' tirā
ġhair ke qātil na huā chāhiye

dekh o qātil basar karte haiñ kis mushkil se ham
chāragar se dard-e-nālāñ dard se dil dil se ham

is ko kahte haiñ vafādārī ki ba.ad-az-qatl bhī
dāġh-e-ḳhūñ ho kar na chhūTe dāman-e-qātil se ham

haa.e kyā be-ḳhud kiyā hai ġhaflat-e-umīd ne
hāl-e-dil kahte haiñ apnā phir usī qātil se ham

dekhnā sab ne uThā rakkhī hai kāñdhoñ par salīb
bhes meñ maqtūl ke rū-posh haiñ qātil tamām

zamāne se nirālā hai chalan in husn vāloñ kā
laqab to qātil-e-ālam hai be-talvār phirte haiñ

haañ vo milne ā.eñge rahm bhī kuchh farmā.eñge
husn magar chuTkī legā phir qātil ban jā.eñge

ik maiñ hī nahīñ huuñ tum jis ko jhūTā kah kar bach jāoge
duniyā tumheñ qātil kahtī hai kis ko kis ko jhuTlāoge

ai ārzu-e-qatl zarā dil ko thāmnā
mushkil paḌā mirā mire qātil ko thāmnā

qatl ho to merā sā maut ho to merī sī
mere sogvāroñ meñ aaj merā qātil hai

ik zaḳhm bhī yārān-e-bismil nahīñ aane kā
maqtal meñ paḌe rahiye qātil nahīñ aane kā

vo to ik sāzish thī mere ḳhuun kī mere ḳhilāf
jis ke sar ilzām aayā vo mirā qātil na thā

tū hamesha rahī qātil ke kamar meñ ai teġh
tere sadqe tujhe qātil kī adā bhī aa.ī

hukūmat ke mazālim jab se in āñkhoñ ne dekhe haiñ
'jigar' ham bamba.ī ko kūcha-e-qātil samajhte haiñ

ai jazb-e-mohabbat tū hī batā kyūñkar na asar le dil hī to hai
sīdhī bhī chhurī TeḌhī bhī chhurī dil-doz nazar qātil hī to hai

ban gayā har saañs qātil rañj hai to bas yahī
zindagī ne maar Daalā maut par ilzām thā

Duub kar marne kā shauq us se hī pūchh ai qātil
jis ne dekhā ye tirā chāh-e-zanaḳhdāñ hogā