Tags-Qatil

dast-e-īsā bhī vahī bāzū-e-qātil bhī vahī
kitnā nāzuk hai charāġhoñ se havā kā rishta

ḳhudā rakkhe salāmat jin ko un ko maut kab aa.e
taḌapte loTte ham kūcha-e-qātil meñ rahte haiñ

ḳhushā qātil kī shān-e-shahr-yārī
manā.eñ ḳhair ham apne saroñ kī

naved-e-jāñ-fizā hai kyā ḳhabar qātil ke aane kī
batāo to sahī tum 'dāġh' aise shādmāñ kyuuñ ho

jhukī jhukī sī nigāh-e-qātil hazār ġhamze dikhā rahī hai
na jaane jaagā hai baḳht kis kā ye kis ko bismil banā rahī hai

qātil kī chashm-e-tar na ho ye zabt-e-āh dekh
juuñ sham.a sar kaTe pe uThā yaañ dhuāñ nahīñ

miTā gayā thā lahū ke sabhī nishāñ qātil
magar jo shaam Dhalī sab charāġh jalne lage

rah gayā hai TuuT kar zaḳhm-e-jigar meñ tīr-e-nāz
ab lagā lenā nahīñ dushvār qātil kā patā

bāñkī-chitvan vaale mahshar meñ hazāroñ haiñ to hoñ
mil hī jā.egā kisī sūrat se qātil kā patā

aa.ī ik āvāz-e-tīr aur niklī dil se uf
phir na qātil kā nishāñ paayā na bismil kā patā

kahtā hai nāseh ki vāpas jaao aur maiñ sāda-lauh
pūchhtā huuñ ḳhud usī se kū-e-qātil kā patā

us se māñgā hai kahāñ maiñ ne koī harf-e-qisās
mere qātil se ye kah mujh ko nadāmat se na dekh

mujh ḳhūñ-girafta par mire qātil kamar na bāñdh
meñ aap apne qatl kā ḳhvāhāñ shitāb huuñ

chāqū pe hai nishān kisī be-gunāh kā
qātil to haath meñ liye ḳhanjar chalā gayā

dahaktī ḳhvāhishoñ meñ jal rahā huuñ
kabhī qātil kabhī maqtal rahā huuñ

yuuñ to qātil haiñ an-ginat 'rāhīl'
āshnā koī koī hotā hai

hazrat-e-'dāġh' hai ye kūcha-e-qātil uThiye
jis jagah baiThte haiñ aap to jam jaate haiñ

ham pe khā khā ke taras pūchh rahā hai qātil
taḳhta hai teġh hai farmā.iye kyā chāhte haiñ

kar diyā kyā tire abrū ne ishāra qātil
ki qazā haath meñ talvār liye phirtī hai

jā-e-dandāñ lab-e-sofār hue ai qātil
dahan-e-zaḳhm se hogā na tirā tiir judā