Tags-Raasta

dil yuuñ lagte qarīb haiñ lekin
rāsta muḳhtasar nahīñ hotā

rañg se rāsta sūrat se patā letā huuñ
aur bichhḌe hue ik ishq ko jā letā huuñ

mere chaar jānib the ḳhār-zār nafrat ke
umr kaT ga.ī merī rāsta banāne meñ

tark-e-ta.alluqāt koī mas.ala nahīñ
ye to vo rāsta hai ki bas chal paḌe koī

rāsta vahshat ko āḳhir mil gayā tañgī meñ bhī
ye garebāñ thā jo do hāthoñ meñ dāmāñ ho gayā

rāsta roke hue kab se khaḌī hai duniyā
na idhar hotī hai zālim na udhar hotī hai

dauḌe kyā ho ke ḳhush sū-e-maqtal
us ke ham ghar kā rāsta samjhe

'shamīm' us ke jaane kā kuchh ġham nahīñ
magar beach kā rāsta le gayā

apne vajūd se pare ab
koī bhī rāsta nahīñ hai

toḌ de is dā.ere ko toḌ de
rāsta hai rāsta chāroñ taraf

zulf lahrā ke mat chalo din meñ
rāsta bhuul jā.egā sūraj

har ek rāsta dīvār ban ke haa.il hai
na jā ki dasht na.e silsile haiñ ghar ke na jā

ḳhud hī jaane lage the aur ḳhud hī
rāsta rok kar khaḌe hue haiñ

karbalā kā rāsta raushan huā
phir lahū kā ma.arka raushan huā

ab to ahl-e-hunar ek hī rāsta aap aisoñ kī ḳhātir khulā hai abhī
har atā-e-zamāñ par tashakkur kareñ har jafā-e-jahāñ kā tahammul kareñ

kartī hai ḳhud talāsh ye kāñToñ kā rāsta
is vāste sukūn se aarī hai zindagī

jahāñ jaane ko sab dushvār hī dushvār kahte haiñ
vahāñ jaane kā koī rāsta āsān paidā kar

ye sulagtā huā sahrā hai nishānī us kī
rāsta bhuul gayā thā koī dariyā apnā

rāsta bhuul gayā ek sitāra apnā
chāñd ne band kiyā jab se darīcha apnā

yahī bahut hai ki naqsh-e-qadam se bach jaa.eñ
suḳhan meñ rāsta kis ne nayā nikālā hai