Tags-Raat

'tābish' jo guzartī hī nahīñ shaam kī had se
socheñ to vahīñ raat sahar-ḳhez bahut hai

ab aao mil ke so raheñ takrār ho chukī
āñkhoñ meñ niiñd bhī hai bahut raat kam bhī hai

sā.īñ raat kī raat ye bastī maqtal kyoñ ban jaatī hai
ab jis raat bhī ḳhanjar nikleñ āñdhī kaalī bhejo naañ

chandā bolā pichhlī raat
aa jā pyāre charḳha kaat

dāmāñ ko merī haath se us raat mat jhaTak
tujh ko sahar ke chāk-e-garebān kī qasam

guzishta raat kī dahlīz par sisakte hue
sunā rahī thī havāoñ ko dāstān havā

is pe takiya kiyā to thā lekin
rāt-din ham the aur bistar thā

raat dekhā thā bhāgtā jañgal
ek vahshat meñ hāñptā jañgal

ho din ki chāhe raat koī mas.ala nahīñ
mere liye hayāt koī mas.ala nahīñ

sahrā kī tez dhuup mujhe aa ga.ī hai raas
jañgal kī sard raat koī mas.ala nahīñ

fasīleñ TuuT ga.iiñ ho ga.e mahal mismār
khañDar meñ raat ga.e dūsrā kab aa.egā

mat pūchh ye ki raat kaTī kyūñke tujh baġhair
is guftugū se fā.eda pyāre guzar ga.ī

kab yaad meñ terā saath nahīñ kab haat meñ terā haat nahīñ
sad-shukr ki apnī rātoñ meñ ab hijr kī koī raat nahīñ

shāyad kisī balā kā thā saaya daraḳht par
chiḌiyoñ ne raat shor machāyā daraḳht par

raat palkoñ pe dil dhaḌaktā thā
terā va.ada bhī kyā qayāmat hai

raat us kī mahfil meñ sar se jal ke paañv tak
sham.a kī pighal charbī ustuḳhāñ nikal aa.ī

vasl kī raat hai āḳhir kabhī uryāñ hoñge
maiñ pashemāñ huuñ to kyā vo na pashemāñ hoñge

ālam-e-ḳhvāb sahī ḳhvāb meñ chalte rahiye
raat kaT jā.egī karvaT to badalte rahiye

zindagī silsila-e-ḳhvāb-e-tamannā hai koī
raat bhar ḳhvāb ko ḳhvāboñ se badalte rahiye

zindagī kyā hai sarāboñ kā safar hai 'ābid'
vaqt kī ret pe din raat machalte rahiye