Tags-Raat

phir raat ke ashkoñ se fazā bhiig chalī hai
phir os kī barsāt se shītal huiiñ shāḳheñ

raat merī āñkhoñ meñ kuchh ajiib chehre the
aur kuchh sadā.eñ thiiñ ḳhāmushī ke paikar meñ

aaj phir bujh ga.e jal jal ke umīdoñ ke charāġh
aaj phir tāroñ bharī raat ne dam toḌ diyā

shab-e-visāl bhī tā-sub.h mutma.in na rahā
abhī thī raat ki paiġhām-e-ārzū aa.e

apne ghar meñ shaiḳh añdherī raat meñ
haath jo aave use jā le paḌe

soch kar bas yahī din raat taḌaptā huuñ maiñ
vaqt aa.e vo gale phir se lagāo mujh ko

inhī guloñ se ab āThvīñ sur kī mīThī āvāz aa rahī hai
jinhoñ ne hijrāñ kī raat larzish ke ḳhaas unsur ko kam rakhā thā

maiñ ne ik shaam pā liyā thā use
us se ik raat kho ga.ī thī maiñ

ai zabt ek thoḌī sī baaqī thī aabrū
rone ne rāt-din ke miTā dī rahī-sahī

sub.h se aa.ina chhūte hue Dar lagtā hai
raat hī ḳhvāb meñ dekhā thā ki maañg afshāñ thī

sham.eñ aur saa.e se dekhe ga.e tūfān kī raat
us havelī meñ jo muddat se bahut vīrāñ thī

thak ke sūraj shaam kī bāñhoñ meñ jā kar so gayā
raat bhar yādoñ kī bastī jāgtī achchhī lagī

Dhal ga.ī raat to ḳhvāb-e-ruḳh-e-jānāñ TuuTā
bujh gayā chāñd to āñkhoñ ne sitāre māñge

raat vo hashr gulistāñ meñ uThā hai yaaro
subah har phuul ne shabnam se sharāre māñge

nahīñ dil ko fikr ye be-sabab gayā din kahāñ huī raat kab
mujhe roz-e-vasl hai ajab abhī sub.h thī abhī shaam hai

apnī āñkhoñ meñ raat din rakh kar
maiñ ne ḳhud us ko kar diyā hai shoḳh

āñkhoñ āñkhoñ meñ baat hone lagī
ḳhālī nīñdoñ se raat hone lagī

na kabhī hāl-e-dil kahā ab to
zindagānī kī raat hone lagī

ek raat aap ne ummīd pe kyā rakkhā hai
aaj tak ham ne charāġhoñ ko jalā rakkhā hai

Duub jaatā hai sar-e-shām vo sūraj to magar
ḳhvāhisheñ raat ke siine meñ dabā detā hai