Tags-Raat

añdhere Daste rahe sham.a jhilmilātī rahī
kahīñ to kah na sakeñ zindagī kī raat kā karb

simaT ke ban gayā hoñToñ pe nāla-e-saharī
tamām din kī aziyyat tamām raat kā karb

siyah ghar kī bīmār zau se nikal
zarā ghūm-phir chāñdnī-rāt meñ

yaad aa.e to badalne lage ghar kī sūrat
taaq meñ jaltī huī raat purānī ho jaa.e

chal paḌī sub.h kī taraf jab maiñ
raah se raat haT ga.ī hogī

rakhā hai bazm meñ us ne charāġh kar ke mujhe
abhī to sunñā hai afsāne raat bhar ke mujhe

ruup badlā hai sahar kā raat ne
dekhne vaalo tumheñ dhokā huā

ye raat us dard kā shajar hai
jo mujh se tujh se azīm-tar hai

ye raat us dard kā shajar hai
jo mujh se tujh se azīm-tar hai

us ne kab barḳhāst ai dil mahfil-e-me.arāj kī
kis se pūchhūñ raat kam thī yā savā thī meñ na thā

isī raat aur din ke mele meñ tirā haath chhuTe mire hāthoñ se
tire saath tirī tanhā.ī ho mire saath mirī vīrānī ho

yuuñ ḳhāna-e-dil meñ ik ḳhushbū ābād hai aur lau detī hai
jo bād-e-shimāl ke pahre meñ koī tanhā raat kī raanī ho

maiñ sarāpā raat bhī huuñ maiñ sarāpā sub.h bhī
mujh se kam-tar kuchh nahīñ aur mujh se bartar kuchh nahīñ

mere pahlū meñ raat jā kar vo
maah thā yā hilāl thā kyā thā

guzrī kisī kī raat ġham-e-hijr meñ rote
kamra kisī ne rakkhā thā phūloñ se sajā kar

vo raakh bantī huī guuñj meñ sitāra-bār
sirhāne kaun pareshāñ thā rāt-bhar mere

din shuāoñ se ulajhte guzrā
raat aa.ī to kiran yaad aa.ī

raat ko sonā na sonā sab barābar ho gayā
tum na aa.e ḳhvāb meñ āñkhoñ meñ ḳhvāb aayā to kyā

ye be-gunāh sham.a jalegī tamām raat
is ke laboñ se chhū ga.e the lab sharār ke

raat ke saañs kī mahkār se sarshār havā
jāgte shahr sulā detī hai bedār havā