Tags-Raat

rāt-bhar is shahr meñ vo sānehe hote haiñ 'zeb'
dil dahal uThtā hai merā sub.h ke aḳhbār se

raat mahtāb ko dekhā to lagā
duur se dekh rahā hai koī

raat ke bahr meñ ġhota-zan hai
niiñd ko DhūñD rahā hai koī

shahr kī galiyoñ meñ gahrī tīrgī giryāñ rahī
raat bādal is tarah aa.e ki maiñ to Dar gayā

'betāb' ab to had-e-nazar tak hī ret hai
rātoñ hī raat kitnā samundar badal gayā

huī jo sub.h to be-barg-o-bār the ashjār
tamām raat havā kā ajiib rañg rahā

raat 'shāhīn' āñkhoñ meñ kaTne lagī
is tarah gum huī raushnī shaam meñ

ghar thā yā koī aur jagah jahāñ maiñ ne raat guzārī thī
yaad nahīñ ye huā bhī thā yā vahm hī kī ayyārī thī

ye anjuman-ārā.ī hai ik raat kī mehmān
tā-sub.h koī dekhne vaalā na rahegā

dil par barf kī sil rakh denā nāgan ban kar Das lenā
apne liye donoñ hī barābar kaalī ho ki ujālī raat

āhanī daraḳhtoñ se sar paTaktī huī
vo ek raat

sham.a soz-e-ġham kā qissa raat bhar kahtī rahī
de ke parvāna payām-e-muḳhtasar jaatā rahā

ik harf mere naam se dīvār-e-shahr par
ye kyā huā ki raat meñ tahrīr ho gayā

chashmak-e-barq-o-sharar se raat āñkhoñ meñ kaTī
sun rahe haiñ sub.h-e-nau ab zarfishāñ hone ko hai

raat sunsān thī bojhal thiiñ fazā kī sāñseñ
ruuh par chhā.e the be-nām ġhamoñ ke saa.e

raat kī sat.h par ubhre tire chehre ke nuqūsh
vahī chup-chāp sī āñhkeñ vahī saada sī nazar

ḳhizāñ kī raat meñ kumhlā ke phuul girte haiñ
to jaag jaatī hai soī huī zamīn-e-chaman

bahut hai raat añdherī magar chale hī chalo
ki aap apne musāfir ko DhūñD legī kiran

raat jā chhuptī hai sunsān jazīroñ meñ kahīñ
raat ke ḳhvāb mirī ruuh meñ dar aate haiñ

din kā chakkar raat ke phere paañv dabā kar raah kā chalnā
chor kī sūrat ḳhud ghabrā.eñ uf rī javānī haa.e zamāne