Tags-Raat

hamīñ ne lamhoñ ko yakjā kiyā to raat huī
hamīñ bikher kar lamhoñ ko din banāte rahe

to ham bhī raat ke jañgal meñ so ga.e hote
na bante paañv ke chhāle agar safar meñ charāġh

dil-o-dimāġh meñ bharne lagā hai raat kā Dar
jalānā bhuul ga.e log rahguzar meñ charāġh

bas ki fa.ālummā-yurīd hai aaj
har silah shor englistāñ kā

ḳhvāb aise ki ga.ī raat Darāne lag jaa.eñ
dard jaage to sulāne meñ zamāne lag jaa.eñ

raushan raushan harfoñ meñ ham din bhar jo kuchh likh paate haiñ
zulmat ke kaale paanī se raat ko vo bhī dho dete haiñ

ab tū hī hamāre chāra-gar kar un kā mudāvā duniyā meñ
jo din bhar to phuul chuneñ aur raat ko kāñTe bo dete haiñ

udaas raat kī tārīkiyoñ ne chheḌā hai
ab aa bhī jaao nigāhoñ meñ māhtāb liye

hijr kī raat thī itnī lambī kaaTe se naañ kaTtī thī
ġham kī jot jagā.ī maiñ ne is dil ke bahlāne ko

'sultān' hukmarāñ thā vo har lamha zehn par
mashġhūl raat din maiñ jise bhūlne meñ thā

din meñ jo saath sab ke hañstā thā
rāt-bhar vo akele rotā thā

bas vahī merī āḳhirī shab thī
chāñd jis raat mujh se rūThā thā

āḳhirī umr tak rahegī yaad
saath jis ke maiñ raat bhīgā thā

aur to koī thā nahīñ shāyad
raat ko uTh ke maiñ hī chīḳhā thā

ek taraf rū-e-jānāñ thā jaltī aañkh meñ ek taraf
sayyāroñ kī raakh meñ miltī raat thī ik bedārī kī

raat luġhāt-e-umr se maiñ ne chunā thā ek lafz
lafz bahut ajiib thā yaad nahīñ rahā mujhe

sahme hue baiThe haiñ kho.e hue baiThe haiñ
jis raat ke armāñ the us raat ko Dar dekhā

baḌā ajiib samāñ aaj raat ḳhvāb meñ thā
maiñ un ke paas thā sayyāra āftāb meñ thā

bisāt-e-anjum-o-mah ho ki mai-kade kā ḳharosh
ye bazm rañg pe aatī hai apnī raat Dhale

ziyā vo dī hai mire dāġh-hā-e-dil ne ki bas
charāġh-e-bazm-e-tamannā na ek raat jale