Tags-Raat

manzar ko kisī tarah badalne kī duā de
de raat kī ThanDak ko pighalne kī duā de

pech-o-ḳham zulfoñ kā saarā khul gayā
raat bhar āñkhoñ meñ lahrā.ī bahut

vo aa.e bhī nahīñ aur zindagī kī raat jaatī hai
sahar hotī hai aur sham-e-tamannā jhilmilātī hai

raat bhī murjhā chalī chāñd bhī kumhlā gayā
phir bhī tirā intizār dekhiye kab tak rahe

ġhairoñ se to fursat tumheñ din raat nahīñ hai
haañ mere liye vaqt-e-mulāqāt nahīñ hai

siyāh raat ke badan pe daaġh ban ke rah ga.e
ham āftāb the magar charāġh ban ke rah ga.e

gāḌhe kī to khaal khīñch Daalī
raat un ke jamāl-e-reshmīñ ne

jafā.eñ din raat dhāte dhāte sitam ke baanī bhī thak na jaa.eñ
shikār chūhoñ kā karte karte na hoñ kahīñ billiyāñ bhī aajiz

is se peshtar ki ye raat muuñd le āñkheñ
nanhe-munne jugnū se raushnī zarā māñgeñ

mahfil meñ us pe raat jo tū mehrbāñ na thā
aisā subuk thā ġhair ki kuchh bhī girāñ na thā

rāt-bhar koh-e-nidā se mujhe detā hai sadā
sub.h hote hī bulandī se girātā hai mujhe

sukūt añdherā tahajjud kā vaqt raat charāġh
tumhāre paañv mire hoñT adā namāz aur ishq

maiñ musāfir din kī jaltī dhuup kā
raat merā dard pahchānegī kyā

din bhī Duubā ki nahīñ ye mujhe ma.alūm nahīñ
jis jagah bujh ga.e āñkhoñ ke diye raat huī

raat bhar sochtā rahā tujh ko
zehn-o-dil mere raat bhar mahke

raat jab phuul ke ruḳhsār pe dhīre se jhukī
chāñd ne jhuk ke kahā aur zarā āhista

piine jaate haiñ sar-e-shām 'nazīr' ek buzurg
aur kuchh raat Dhale ban ke valī aate haiñ

chāñd taare ik diyā aur raat kā komal badan
sub.h-dam bikhre paḌe the chaar sū merī tarah

phir aaj bhuuk hamārā shikār kar legī
ki raat ho ga.ī dariyā meñ jaal Daale hue

jaise vo jaan nazar aañkh jhapaktā nikle
raat kī kokh se aisā koī taarā nikle