Tags-Raat

raat jaltī hai sulagte hue sahrā kī tarah
dard agar ho to kisī aañkh se dariyā nikle

bahā kar ashk saarī raat goyā
ki sub.h hañs kar milogī jānte haiñ

is lamha-e-vīrān meñ chup chāñd nazar chup
ik raat kī hairat meñ giraftār nagar chup

ham donoñ darmiyāñ se us raat haT chuke the
donoñ ke darmiyāñ bas ik paak raushnī thī

jazbāt ke samundar bechain ho rahe the
jab chāñd thā adhūrā jab raat sāñvlī thī

sūraj nahīñ ugā thā par raat Dhal chukī thī
doshīzgī kā lamha ghūñghaT meñ vo kalī thī

ghar ġhair ke jo yaar mirā raat se gayā
jī siine se nikal gayā dil haat se gayā

dekhā jo baat karte tujhe raat ġhair se
dil merā haath setī isī baat se gayā

din ko sotī hai mohabbat kī kashish āñkhoñ meñ
raat ko chāñd sitāroñ kī kahānī māñge

kuchh milī haiñ jo un se sauġhāteñ
leadiyoñ se haiñ rāt-din bāteñ

raat bhar shabnam kī āñkhoñ se sahar kī maañg meñ
maiñ jise likhtā rahā vo bhī thā afsāna tirā

'qamar' un ko na aanā thā na aa.e sub.h hone tak
shab-e-va.ada sajāte hī rahe ghar raat bhar apnā

na chārāgar kī zarūrat na kuchh davā kī hai
duā ko haath uThāo ki ġham kī raat kaTe

dhuup Dhalne lagī
bas zarā der meñ raat ho jā.egī

raat kī sarhad yaqīnan aa ga.ī
jism se saayā judā hone lagā

ye sāneha thā mulāqāt aur baaqī hai
Thahar bhī jaao ki kuchh raat aur baaqī hai

is ishāre ko vo samjhā to magar muddat ba.ad
apne har ḳhat meñ use rāt-kī-rānī likhnā

āñkhoñ se badan se tirī zulfoñ kī mahak se
kartā huuñ maiñ din-rāt hī ai jān-e-mohabbat

koī raat āñkhoñ meñ kaaT lī koī taare gin ke guzār dī
yahī marte marte havas rahī maiñ kabhī to so rahūñ shaam se

sahar ko de ke na.ī nik.hat-e-hayāt ga.ī
na jaane kis kī galī se nikal ke raat ga.ī