Tags-Raat

raat bhar pāgal havā se
ghar ke darvāze laḌe haiñ

ye raat pichhle pahar āftāb DhūñDegī
charāġh-e-shām jalā kar darūñ meñ rakh aanā

jism meñ ḳhvāhish na thī ehsās meñ kāñTā na thā
is tarah jaagā ki jaise rāt-bhar soyā na thā

diid kī shab thī ki butlān thā us da.ave kā
raat meñ mehr-e-munavvar nahīñ dekhā jaatā

rāt-bhar ḳhud se gale mil ke bahut rotī huuñ
jhūTe muñh bhī nahīñ kahtā hai koī sone ko

dard ke siip meñ paidā huī bedārī sī
raat kī raakh meñ sulgī koī chiñgārī sī

be-samt zindagī kā safar ban kī raat hai
nāgin sā vaqt Das ke achānak palaT na jaa.e

shab ko aa kar vo phir gayā haihāt
kyā isī raat ham ko sonā thā

vo raat kā be-navā musāfir vo terā shā.ir vo terā 'nāsir'
tirī galī tak to ham ne dekhā thā phir na jaane kidhar gayā vo

tamām raat bhaTaknā tire ta.āqub meñ
tire ḳhayāl kī sab sīḌhiyāñ utar jaanā

'shakīl' gaañv ke sab log so ga.e hoñge
ab itnī raat ko achchhā nahīñ hai ghar jaanā

hamārī bechainī us kī palkeñ bhigo ga.ī hai
ye raat yuuñ ban rahī hai jaise ki so ga.ī hai

raat guldasta-e-afsurda-dilī chhoḌ ga.ī
gul-ba-kaf vaqt-e-sahar jo tirī mahfil se uThā

chāñd taare bhī the mushtāq ki 'mānī' ko suneñ
sub.h-dam tak na koī raat kī mahfil se uThā

raat furqat kī paḌī hai ai dil
ek hī naale meñ tāqat mat toḌ

us raat ke idhar bhī hai ik sub.h kā vajūd
merā yaqīn bhī hai ye merā gumāñ bhī hai

kal raat jagātī rahī ik ḳhvāb kī duurī
aur niiñd bichhātī rahī bistar mire aage

tū agar saath na jaa.e to bahut duur kahīñ
din ko sūraj ke tale raat ko shabnam meñ rahūñ

kaale bādal kā rishta to sūraj se nā-mumkin hai
kaalī laḌkī ke hoñToñ par raat kī raanī rakkhī hai

ajiib raat utārī ga.ī mohabbat par
hamārī āñkheñ tumhāre charāġh jalte haiñ