Tags-Raat

ḳhūn-e-insāñ se huī hai sub.h jis kī dāġh-dār
chand hī lamhe sahī us raat kī bāteñ karo

raat bhī rote kaTī hai din bhī guzrā jaa.e hai
aane vaale kuchh nahīñ ma.alūm kab se aa.e hai

raat aa.ī to talab sham.a nahīñ kī dil ne
dhuup niklī hai to saaya nahīñ māñgā tujh se

sajā ke raat ke māthe pe chāñd kā jhūmar
mujhe añdhere meñ rasta dikhā sako to chalo

kahne vaalā ḳhud to sar takiye pe rakh kar so gayā
merī be-chārī kahānī raat bhar rotī rahī

kitāb-e-ḳhāk paḌhī zalzale kī raat us ne
shaguft-e-gul ke zamāne meñ vo yaqīñ laayā

jab achchhe the din raat kam yaad aa.e
burā vaqt aayā to ham yaad aa.e

din ko hamāre paas vo chanchal kaahe ko āvegā ai dil
raat ko ik dam ḳhvāb meñ aanā jis ne idhar kā chhoḌ diyā

guloñ ko titliyoñ ko kis tarah karegā yaad vo
ki jis ko fikr rāt-din lagī ho rozgār kī

juz tire koī bhī din raat na jaane mere
tū kahāñ hai magar ai dost purāne mere

sham.a kī lau thī ki vo tū thā magar hijr kī raat
der tak rotā rahā koī sirhāne mere

koī sotā hai yā sab jāgte haiñ
vahāñ kaTtī hai kaise raat likhnā

ḳhaak uḌāte haiñ din raat
mīloñ phail ga.e sahrā

bas ek raat Thaharne kā ye natīja hai
sarā-e-fānī ko duniyā samajh rahe haiñ ham

ye ghar hai apnī marzī jī rahā hai
patā hai raat saarī jāgtā hai

raat bhar duniyā rahī hai tīrgī ke sehr meñ
sub.h kī pahlī kiran āñkhoñ meñ bīnā.ī huī

yaad karte ho mujhe sūraj nikal jaane ke ba.ad
ik sitāre ne ye pūchhā raat Dhal jaane ke ba.ad

terī maiñ tasvīr kabhī jo dekhūñ to
mere din aur raat Thaharne lagte haiñ

ab na vo raat kī haibat thī na zulmat kā vo zulm
parcham-e-nūr yahāñ aur vahāñ lahrāyā

jitnī kirneñ bhī añdhere meñ ubhar kar ubhrīñ
nok par raat kā dāmān darīda paayā