Tags-Raat

thī ik aisī raat ki ham donoñ tanhā the
chāñd bhī ham bhī

añdherī shab kā ye ḳhvāb-manzar mujhe ujāloñ se bhar rahā hai
ye raat itnī tavīl kar de ki tā-qayāmat sahar na aa.e

hāthoñ se hameñ ishq ke din raat nahīñ chain
fariyād o fuġhāñ din ko hai shab nāra-zanī hai

raat sitāroñ vaalī thī aur dhuup bharā thā din
jab tak āñkheñ dekh rahī thiiñ manzar achchhe the

tū bhī chāhe to na aa.egī vo biitī huī raat
hai vahī chāñd magar vaisā daraḳhshinda nahīñ

koī khiḌkī khulegī raat ga.e
ka.ī apnī murād pā.eñge

saañs ruktā hai to gul hotī hai sham-e-justujū
raat bhar bedār rahne kā samar ik ḳhvāb hai

apne bīmār sitāre kā mudāvā hotī
dard kī raat agar anjuman-ārā hotī

raat bhar pichhlī sī aahaT kaan meñ aatī rahī
jhāñk kar dekhā galī meñ koī bhī aayā na thā

saath thā rañj-e-ḳhush-dilī 'āzar'
raat jab apne ghar gayā koī

kuchh diye rāt-bhar rahe raushan
ek jugnū kī mezbānī meñ

Dhal gayā din bhī vahīñ raat ne Derā Daalā
thak ke rahrav ne jahāñ raḳht-e-safar kholā hai

ye raat jis ke liye maiñ ne jaag kar kaaTī
milā vo shaḳhs to ḳhvāboñ kā ham-safar niklā

aatā huuñ maiñ zamāne kī āñkhoñ meñ raat din
lekin ḳhud apnī nazroñ se ab tak nihāñ huuñ maiñ

jab raat ḳhuub Dhal ga.ī soyā mirā vajūd
kaun-o-makāñ kī sair ko saayā nikal gayā

abhī na raat ke gesū khule na dil mahkā
kaho nasīm-e-sahar se Thahar Thahar ke chale

raat ḳhvāboñ meñ kaun aayā thā
kis liye auj par adā.eñ haiñ

bistar meñ raat so rahī hai
maiñ tere huzūr jāgtā huuñ

muḳhātib tum se huuñ maiñ kuchh to bolo
kaTegī raat kyā bechārgī meñ

din bhar to phire shahr meñ ham ḳhaak uḌāte
ab raat huī chāñd sitāroñ se Thanī hai