English
Favourite
Favourite
UrduShayarUrduShayar
Expand menu
Sign inAccount

Tags-Raat

ham ko ai qāfila-e-shauq ye kyā yaad rahe
ki huī sub.h kahāñ aur kahāñ raat huī
Ghazal
 zindagi jab se shanasa-e-muhaallat hui
is qadar sahl kahāñ marhala-e-soz-o-gudāz
raat bhar sham.a kā jalnā bhī koī baat huī
Ghazal
 zindagi jab se shanasa-e-muhaallat hui
bistar bichhā ke raat vo kamre meñ so gayā
sabze pe mausamoñ kā lahū ḳhushk ho gayā
Ghazal
 bistar bichha ke raat wo kamre mein so gaya
zamīñ kī raat kī hai hukmarānī
usī kā elchī sūraj hai
Nazm
 zamin ki raat
añdherī raat hai ḳheme meñ ik diyā bhī nahīñ
kahāñ haiñ sabr ko qindīl karne vaale log
Ghazal
 badan mein ruh ki tarsil karne wale log
raat bhar sho.ala-e-jāñ ḳhuub baḌhāyā jaa.e
phir dam-e-sub.h hī ḳhvāboñ ko jalāyā jaa.e
Ghazal
 raat bhar shoala-e-jaan KHub baDhaya jae
kyuuñ ai ġham-e-firāq ye kyā baat ho ga.ī
ham intizār-e-sub.h meñ the raat ho ga.ī
Ghazal
 kyun ai gham-e-firaq ye kya baat ho gai
terī yādeñ bahāl rakhtī hai
raat dil par vabāl rakhtī hai
Ghazal
 teri yaaden bahaal rakhti hai
band āñkhoñ se na kar mashq-e-tasavvur din-rāt
ki hamesha ke liye jaan maiñ terā ho jā.ūñ
Ghazal
 tez ho jaen hawaen to bagula ho jaun
sham.a kā apne fatīla nahīñ kis raat jalā
amal-e-hub kī bahut ham ne bhī dāvat dī hai
Ghazal
 ai sanam jis ne tujhe chand si surat di hai
rāt-bhar iqrār kī bāteñ karo
sub.h-dam inkār kī bāteñ karo
Nazm
 baaten karo
shauq tauf-e-haram-e-kū-e-sanam kā din raat
sūrat-e-naqsh-e-qadam Thokareñ khilvātā hai
Ghazal
 kaun sayyaad idhar bahr-e-shikar aata hai
shaam hī se baras rahī hai raat
rañg apne sambhāl kar rakhnā
Sher
 sham hi se baras rahi hai raat
ālam-e-pīrī meñ kyā mū-e-siyah kā e.atibār
sub.h-e-sādiq detī hai jhūTī gavāhī raat kī
Sher
 aalam-e-piri mein kya mu-e-siyah ka eatibar
use meñ DhūñDhtā thā raat kī gahrī ḳhamoshī meñ
na jaane kis tarah phir shahr meñ merā huā charchā
Ghazal
 zamin se ta-falak chhai hui hai raushni-e-la
raat se ek soch meñ gum huuñ
kis bahāne tujhe kahūñ aa jā
Ghazal
 ai meri zat ke sukun aa ja
raat kyā ḳhuub tamāsha thā galī meñ un kī
shaiḳh-jī pūchhā kiye rāsta mai-ḳhāne kā
Ghazal
 kuchh izala to karen aap bhi taDpane ka
sūraj hai shab-o-roz ta.āqub meñ vagarna
hai aur bahut raat ke asrār se aage
Ghazal
 imkan se bahar kabhi aasar se aage
baḳht kā taara shaam se pahle Duub gayā
raat ga.e ab tāroñ kī bārāt hai kyā
Ghazal
 tum kya sahab aur tumhaari baat hai kya
mahke jab rāt-kī-rānī to mujhe ḳhat likhnā
choT ubhar aa.e purānī to mujhe ḳhat likhnā
Ghazal
 mahke jab raat-ki-rani to mujhe KHat likhna
Top Urdushayar.com