Tags-Raat

haath bhar kā hai din bichhaḌne kā
aur milne kī raat muTThī bhar

shaam ne din kā saath chhuḌāyā raat ne dasht meñ aan liyā
aise safar meñ rahgīroñ par saañs bhī dūbhar hote haiñ

raat se ham nahīñ udaas raat udaas hī sahī
raat to sub.h ke liye vaqfa-e-intizār hai

raat sunsān dasht o dar ḳhāmosh
chāñd taare shajar hajar ḳhāmosh

Dhal chukī raat bujh ga.iiñ sham.eñ
raah taktī hai chashm-e-tar ḳhāmosh

raat aur din ke kināroñ ke ta.alluq kī qasam
vaqt milte haiñ to milne kī duā kartā huuñ

ḳhayāl-e-sub.h kī ra.anā.iyāñ kuchh aur kahtī haiñ
añdherī raat kī tanhā.iyāñ kuchh aur kahtī haiñ

koī bādal ho to tham jaa.e magar ashk mire
ek raftār se din raat barābar barse

kal raat suunī chhat pe ajab sāneha huā
jaane do yaar kaun batā.e ki kyā huā

saare din to us kī galī meñ aate jaate guzrī hai
ab bolo ab raat huī hai kaise raat guzāroge

din sadā ek se nahīñ rahte
raat aa.egī kuchh bachā rakhiye

surḳh āñkheñ ghumāte hue bheḌiye raat kā husn haiñ
sarsarāte hue shāḳhchoñ meñ chhupe māñda panchhī

sundar komal sapnoñ kī bārāt guzar ga.ī jānāñ
dhuup āñkhoñ tak aa pahuñchī hai raat guzar ga.ī jānāñ

sadā kī dekhī raat hameñ is baar milī to chupke se
ḳhālī baat pe rakh ke kyā sauġhāt guzar ga.ī jānāñ

log na jaane kin rātoñ kī murādeñ māñgā karte haiñ
apnī raat to vo jo tere saat guzar ga.ī jānāñ

haiñ sub.h ke hisāb meñ aḳhtar shumāriyāñ
chamkā na āftāb to kyā raat bhī ga.ī

sahar ko bhī mirī mahfil meñ barhamī na huī
tamām-rāt huī dard meñ kamī na huī

us raat bhī niiñd agar na aa.ī
jis raat pe is qadar fidā ho

mirī āñkhoñ kā sonā chāhe miTTī meñ bikhar jaa.e
añdherī raat terī maañg meñ afshāñ bharūñgā maiñ

shaam jab raat kī mahfil meñ qadam rakhtī hai
bhartī hai maañg meñ sindūr suhāgan kī tarah