Tags-Raat

raat phailī to sar-e-ḳhalvat-e-ġham
be-karāñ ban ga.ī tanhā.ī mirī

vaslat-e-kār baham ho ki haiñ jam.a din raat
pesha-e-hijr ke be car tire kūche meñ

phir kisī raat vo kohsār pe baiThā bolā
chāñdnī-rāt kī tamsīl nahīñ ho paa.ī

sub.h gar sub.h-e-qayāmat ho to kuchh parvā nahīñ
hijr kī jab raat aisī be-qarārī meñ kaTī

mujhe vo ahd vo din-rāt yaad aate haiñ
ki jab na thī tire ġham se koī shanāsā.ī

raat falak par ubhre to
maiñ tāroñ se bhar jā.ūñ

jāgtī āñkhoñ ke ḳhvāboñ kī bhī ta.abīreñ hoñ
ḳhvāb kal raat jo dekhā thā adhūrā dekho

raat bhar chāñd se hotī raheñ terī bāteñ
raat khole haiñ sitāroñ ne tire raaz bahut

raat kā bītnā din kā aanā
kaun sī aisī na.ī baat hai

ham ne dekhī hai vo ujlī saa.at
raat jab sher kahā kartī hai

dil-e-mezbān meñ rañj kā yahī muddatoñ se hai silsila
koī din meñ aa ke Thahar gayā koī raat rah ke chalā gayā

aisī sunsān kabhī pahle na thī hijr kī raat
duur tak qāfila-e-sub.h ke āsār nahīñ

aañkh lagtī nahīñ 'jur.at' mirī ab saarī raat
aañkh lagte hī ye kaisā mujhe āzār lagā

hurūf hī kī tarah TūTte bikharte rahe
kitāb paḌhte rahe ham jo raat bhar tanhā

aa mire chāñd raat suunī hai
baat bantī nahīñ sitāroñ se

niiñd aa.ī na khulā raat kā bistar mujh se
guftugū kartā rahā chāñd barābar mujh se

kyā musībat hai ki har din kī mashaqqat ke evaz
bāñdh jaatā hai koī raat kā patthar mujh se

raat Dhalī hai chāñd gum duur jale haiñ do diye
raaz to hai pa kis ke paas jaa.eñ ye raaz le ke ham

koī charāġh jalā thā na koī dar vā thā
sunā hai raat ga.e shahryār guzrā thā

raat ko din se milāne kī havas thī ham ko
kaam achchhā na thā anjām bhī achchhā na huā