Tags-Raat

ek aayā gayā dūsrā aa.egā der se dekhtā huuñ yūñhī raat us kī guzar jā.egī
maiñ khaḌā huuñ yahāñ kis liye mujh ko kyā kaam hai yaad aatā nahīñ yaad bhī TimTimātā

chāñdnī raat ghane niim tale koī na thā
phir fazāoñ meñ vo ḳhushbū-e-hinā kis kī thī

añdherī raat nauhe gā rahī hai
ḳhamoshī shahr bhar meñ chhā rahī hai

us ko aanā thā ki vo mujh ko bulātā thā kahīñ
raat bhar bārish thī us kā raat bhar paiġhām thā

raat bhar sūraj ke ban kar ham-safar vāpas hue
shaam bichhḌe ham to hañgām-e-sahar vāpas hue

ishq tū bhī zarā Tikā le kamar
dil bhī ab so gayā hai raat ga.e

na jaane kaisī mohabbat ke va.ade raat jale
jalā jo ḳhat to sakhī mere donoñ haath jale

gañvā ke baiThī huuñ maiñ aaj apnā sabr-o-qarār
ki saath chāñd ke merī tū saarī raat jale

partav-e-sāġhar-e-sahbā kyā thā
raat ik hashr sā barpā kyā thā

añdherī raat ko din ke asar meñ rakkhā hai
charāġh ham ne tirī rahguzar meñ rakkhā hai

sab raat mirī sapnoñ meñ guzar jaatī hai aur maiñ sotā huuñ
phir sub.h kī devī aatī hai

apne jalne meñ kisī ko nahīñ karte haiñ sharīk
raat ho jaa.e to ham sham.a bujhā dete haiñ

ḳhauf āñkhoñ meñ mirī dekh ke chiñgārī kā
kar diyā raat ne sūraj ke havāle mujh ko

hāñ!! sāñpoñ se yaad aayā
aaj sāñpoñ se visāl kī raat hai

in rozoñ lutf-e-husn hai aao to baat hai
do din kī chāñdnī hai phir añdhiyārī raat hai

raat ke haath pe jaltī huī ik sham-e-vafā
apnā haq māñgtī hai

sūraj oḌhā taare oḌhe oḌhe din aur raat
ham ko jalte-bujhte rahnā achchhā lagtā hai

asl to ye hai mai-o-māshūq kā jab lutf hai
chāñdnī ho raat ko din ko ghaTā barsāt kī

raat ke āḳhirī aañsū kī tarah Duub gayā
ḳhvāb-añgez nigāheñ vo lab-e-dard-fareb

ye kū-e-mai-farosh meñ raulā huā ki raat
dahshat se vaañ Thahar na sakā pā-e-mohtasib