Tags-Raat

raat ko maiñ ne din karne kī Thānī hai
merī zid par sūraj bhī namnāk huā

tamām shab mirī āñkhoñ kā ḳhvāb rahte ho
tamām raat kisī ko jagānā Thiik hai kyā

tamām din kī tamāzat ke ba.ad raat ga.e
girī jo phuul pe shabnam havā ne raqs kiyā

aa lage gor kināre to milā muzhda-e-vasl
raat Duubī to ubhartā huā taarā dekhā

har raat hai āshiq ko tire roz-e-qayāmat
har roz judā.ī meñ use ho hai hunaddas

har sub.h mirī sub.h pe rotī rahī shabnam
har raat mirī raat pe hañste rahe taare

laao mai-ḳhāne hī meñ kaaT na deñ itnī raat
masjideñ ho ga.iiñ māmūr ye māmūr nahīñ

pareshāñ rahte ho din raat 'akbar'
ye kis kī zulf kā saudā huā hai

raat aur javāñ ho to ujālā ho fazā meñ
palkoñ se sitāre abhī kam TuuT rahe haiñ

tumhārī yaad kī ḳhushbū lagā.ī thī maiñ ne
tamām raat mire jism-o-jāñ mahakte rahe

punam kī raat kā ye faiz nūr-afshāñ 'chāñd'
kisī hasīn ḳhatā par ubhārtā hai mujhe

parda kyuuñ kartā hai 'nāzim' tire ghar aa.e the
raat ko ham ne unheñ bhes badalte dekhā

uTh ke kapḌe badal ghar se bāhar nikal jo huā so huā
raat ke ba.ad din aaj ke ba.ad kal jo huā so huā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

raat kī āñkheñ bāñch rahā huuñ kuchh kuchh to maiñ bhāñp rahā huuñ
kuchh kuchh andar soch rahī hai kuchh kuchh bāhar bol rahī hai

kah ga.e niiñd ga.ī raat kā ārām gayā
us kī taqdīr jo ho aap kā mehmāñ koī

raat ke pichhle pahar ik sansanāhaT sī huī
aur phir ek aur phir ek aur aahaT sī huī

aap to ik baat kah kar chal diye
rāt-bhar bistar mirā jaltā rahā

gūñjtā māhaul vahshī vāhime jañgal safar
uf ye kaalī raat jo merā muqaddar ho gayā

jo jism tamannā meñ sulagtā hai tumhārī
us jism meñ hasrat bharī ik raat to dekho