English
Favourite
Favourite
UrduShayarUrduShayar
Expand menu
Sign inAccount

Tags-Raat

raat chaupāl meñ dete the tasallī saare
chand hī roz haiñ ab fasl bhī pak jā.egī
Ghazal
 thoDi ziddi hai magar dekhna thak jaegi
vo chāñd ban ke mirī raat par utartā hai
to kaise yaad rakhūñ rañg phir qabāoñ kā
Ghazal
 suluk dekh liya be-hunar hawaon ka
raat ne aisī siyāhī ab bikherī chār-sū
aañkh vāloñ ke liye manzar salāmat hai kahāñ
Ghazal
 shahar mein ole paDe hain sar salamat hai kahan
ajab thā mas.ala apnā ajab sharmindagī thī
ḳhafā jis raat par the vo sharārat ab huī hai
Ghazal
 KHamoshi bas KHamoshi thi ijazat ab hui hai
tum to yaaro abhī se uTh baiThe
shahr meñ raat jāgtī hai abhī
Ghazal
 dil mein ek lahr si uThi hai abhi
jī DhūñDtā hai phir vahī fursat ki raat din
baiThe raheñ tasavvur-e-jānāñ kiye hue
Ghazal
 muddat hui hai yar ko mehman kiye hue
din guzartā hai to lagtā hai baḌā kaam huā
raat kaTtī hai to ik ma.arka sar hotā hai
Ghazal
 kitna bekar tamanna ka safar hota hai
'fā.iq' tamām raat ḳharāb-e-fuġhāñ rahā
lekin asar zarā bhī kisī par nahīñ huā
Ghazal
 main faizyab-e-gardish-e-saghar nahin hua
na so.e raat ko jā kar khulī huī chhat par
kiye na ham ne sitāre shumār ab ke baras
Ghazal
 na KHat likhe na diye un ko tar ab ke baras
raat bhar narm havāoñ ke jhoñke
vaqt kī mauj ravāñ par bahte
Nazm
 pahli maut
manzil kī talab apnī taraf khīñch rahī hai
aur raat musāfir se ye kahtī hai ki ghar jā
Ghazal
 yun KHak ki manind na rahon pe bikhar ja
garajne vaale baraste nahīñ ye sunte the
guzishta raat vo garjā bhī aur barsā bhī
Ghazal
 ye khel bhul-bhulayyan mein humne khela bhi
pahle bhī apnī jholiyāñ jhaaḌ kar uTh ga.e the ham
aisī hī ek raat thī aisī hī dāstān meñ
Ghazal
 jate hue nahin raha phir bhi hamare dhyan mein
vaqt se pahle ho kyuuñ zehn pe ḳhurshīd kā bojh
raat baaqī hai abhī chāñd piyāloñ meñ rahe
Ghazal
 ruh ko qaid kiye jism ke haalon mein rahe
gar aish se ishrat meñ kaTī raat to phir kyā
aur ġham meñ basar ho ga.ī auqāt to phir kyā
Ghazal
 gar aish se ishrat mein kaTi raat to phir kya
har ek raat mirī zindagī kā mātam hai
har ek shaam yahāñ maut ke sivā kyā hai
Ghazal
 bahut udas hai dil jaane majra kya hai
ghar añdheroñ kā khañgālā jā rahā hai
raat meñ sūraj nikālā jā rahā hai
Ghazal
 ek to patthar uchhaala ja raha hai
kaheñ to kis se kaheñ ham hayāt apnī thī
na koī din thā hamārā na raat apnī thī
Ghazal
 agarche kahne ko kal kaenat apni thi
jo tum qarīb the har shai pe iḳhtiyār sā thā
ye chāñd aur sitāroñ kī raat apnī thī
Ghazal
 agarche kahne ko kal kaenat apni thi
mudda.ī haiñ barf baalū raat kāñTe tap havā
jism par hai faujdārī jaañ pe dīvānī alag
Ghazal
 ek pareshani alag thi aur pashemani alag
Top Urdushayar.com