Tags-Raat

guzārā din mashaqqat karte karte
guzārī raat patthar se lipaT ke

har ik pal nit-na.e jalvoñ kī shaidā.ī hoñ jo āñkheñ
koī ik chehra un ko rāt-bhar achchhā nahīñ lagtā

shaiḳh-sāhib ko roz kī roTī
raat bhar kī badī se miltī hai

raat sunsān thī bojhal thiiñ fazā kī sāñseñ
ruuh par chhā.e the be-nām ġhamoñ ke saa.e

raat kī sat.h par ubhre tire chehre ke nuqūsh
vahī chup-chāp sī āñhkeñ vahī saada sī nazar

vaz.a-dārī dostoñ se ho sakī itnī nahīñ
dushmanoñ meñ rāt-din to hotā hai charchā mirā

raat din lipTā hai pairoñ se mire andhā safar
ajnabī ehsās manzil kā patā de jā.egā

raat ke āñgan meñ sūraj ke musāfir kā qayām
phuul se jismoñ ko zaḳhmoñ kī qabā de jā.egā

shaam ho yā ki sahar yaad unhīñ kī rakhnī
din ho yā raat hameñ zikr unhīñ kā karnā

mirī nazar meñ ḳhaak tere aa.ine pe gard hai
ye chāñd kitnā zard hai ye raat kitnī sard hai

raat kuttoñ ne saḌak sar pe uThā rakkhī thī
aur aaseb kī aamad se makāñ vāqif thā

ek barzaḳh kī vo raat thī
gūñjtī raat thī

tanhā.ī se aatī nahīñ din raat mujhe niiñd
yā-rab mirā ham-ḳhvāb o ham-āġhosh kahāñ hai

chhupā thā maslahatan shaam se sameT ke nuur
muhīb raat ye samjhī ki Dar gayā sūraj

kuchh ek ghūñT lagā raat milne jā.ūñgā
sunā hai shab ko nashe meñ vo chuur hotā hai

ik māh-vash ne chuum lī peshāni-e-'hafīz'
dilchasp hādsa thā jo kal raat ho gayā

aa.ī hai ab yaad kyā raat ik biite saal kī
yahī havā thī baaġh meñ yahī sadā ghaḌiyāl kī

shahr meñ Dar thā maut kā chāñd kī chauthī raat ko
īñToñ kī is khoh meñ dahshat thī bhauñchāl kī

raat din gardish meñ hai par ho nahīñ saktā hanūz
daur-e-dāmān-e-falak is daur-e-dāmāñ kā harīf

pilā sāqiyā mai-e-jāñ pilā ki maiñ lā.ūñ phir ḳhabar-e-junūñ
ye ḳhirad kī raat chhaTe kahīñ nazar aa.e phir sahar-e-junūñ