Tags-Raat

raat hai burda-farosh
us ke bahkā.e hue hosh meñ kab aa.e haiñ

raat vahshat se gurezāñ thā maiñ aahū kī tarah
paañv paḌtī rahī zanjīr bhī ghuñgrū kī tarah

maiñ huuñ ḳhvāb-e-girāñ ke narġhe meñ
raat guzre to ma.arka sar ho

jañgal jañgal shauq se ghūmo dasht kī sair mudām karo
'inshā'-jī ham paas bhī lekin raat kī raat qayām karo

manziloñ se begāna aaj bhī safar merā
raat be-sahar merī dard be-asar merā

jab koī jugnū chamaktā hai añdherī raat meñ
is tarah zulmat meñ lahrātī hai nūrānī lakīr

kartā hai kār-e-raushnī mujh ko jalā ke din
kartī hai kār-e-tīrgī mujh ko bujhā ke raat

saarā mausam badal chukā thā phuul bhī the aur aag bhī thī
raat ne jab ye svāñg rachāyā chāñd bhī ruup badalne lagā

sargoshiyoñ kī raat hai ruḳhsār o lab kī raat
ab ho rahī hai raat javāñ dekhte chaleñ

Darā rahe haiñ ye manzar bhī ab to ghar ke mujhe
dikhā.ī ḳhvāb diye raat bhar khañDar ke mujhe

raat bhīgī hai 'shafaq' aao ab
ḳhvāb-e-bedār kī bāteñ kareñ kyā

raat Dhalne lagī hai sīnoñ meñ
aag sulgāo ābgīnoñ meñ

kyā ḳhabar thī ye mohabbat kā natīja hogā
rāt-din dard-e-judā.ī meñ taḌapnā hogā

tere va.ade ko kabhī jhuuT nahīñ samjhūñgā
aaj kī raat bhī darvāza khulā rakkhūñgā

balā se barq girī mere āshiyāne par
añdherī raat ke rahrav ko raushnī to milī

sapne meñ raat aa.ī dillī
dair talak batyā.ī dillī

sapne meñ raat aa.ī dillī
dair talak batyā.ī dillī

ham apne baḳht-e-siyah ke asar meñ rahte haiñ
vo raat hai ki sitāre nazar meñ rahte haiñ

sone ke vaqt ai gul-e-tar itr kyā zarūr
terī galī meñ raat ko champā-kalī rahe

raat ko jhel ke baiThā huuñ to din niklā hai
ab maiñ sūraj se sitāra to nahīñ ho saktā