Tags-Raat

raat din shaam sahar pahar ghaḌī pal saa.at
māñgte jaatī hai ham ko tirī aan aan kī ḳhair

raat din sub.h o shaam likhtā huuñ
aur bas terā naam likhtā huuñ

raat ro ro ke guzārī hai charāġhoñ kī tarah
tab kahīñ harf meñ tāsīr nazar aa.ī hai

qāfile raat ko aate the udhar jaan ke aag
dasht-e-ġhurbat meñ jidhar ai dil-e-sozāñ ham the

vo zulf mujh pe hai be-vaj.h rāt-din barham
kisī tarah se na baḌhtī nahīñ itaab ke din

hamāre ḳhvāb paTakte haiñ yuuñ hamāre sar
tamām raat sirhānoñ se ḳhuun bahtā hai

ye raas rañg ye mel milan ik haath meñ chāñd ik meñ sūraj
ik raat kā mauj maza saarā ik din kā sair-sapāTā hai

der tak raat añdhere meñ jo maiñ ne dekhā
mujh se bichhḌe hue ik shaḳhs kā chehra ubhrā

mom-battī ko galātā rahā dhīre dhīre
raat añdhere kā mire kamre meñ bahtā laavā

maiñ qafas ko toḌ ke kyā karūñ mujhe raat din ye ḳhayāl hai
ye bahār bhī yuuñ hī jā.egī jo yahī shikasta-parī rahī

din bhar mere saath rahe
ḳhud meñ basar ab raat karo

raat kī zulf sañvar jaa.e
hijr ko gar mashshāt karo

soyā huā hai mujh meñ koī shaḳhs aaj raat
lagtā hai apne jism se bāhar khaḌā huuñ maiñ

vo jis ne raat dar-e-dil pe aa ke dastak dī
zarūr jhoñkā kisī yād-e-raftagāñ kā thā

āḳhirī raat aa ga.ī jī bhar ke mil leñ aaj to
tum se milne degā daur-e-āsmānī phir kahāñ

diye kī aañkh se jab guftugū nahīñ hotī
vo merī raat kabhī surḳh-rū nahīñ hotī

muskurā doge to ye raat sañvar jā.egī
hañs jo doge to fazā aur nikhar jā.egī

muntazir shaam se un kā huuñ magar jāntā huuñ
aaj kī raat bhī āñkhoñ meñ guzar jā.egī

mat pūchh ye ki tujh bin shab kis tarah se guzrī
kaaTī to raat lekin kin kin musībatoñ se

raat ga.e aksar dil ke vīrānoñ meñ
ik saa.e kā aanā jaanā hotā hai